ا ق ش - قازاقستان ەكونوميكاسىنا ينۆەستيتسيا سالىپ وتىرعان توپ-3 ەلدىڭ بىرەۋى

استانا. قازاقپارات – ا ق ش قازاقستان ەكونوميكاسىنداعى نەگىزگى ينۆەستورلاردىڭ ۇشتىگىنە كىرەدى، دەپ حابارلايدى قازاقپارات ءتىلشىسى.

ەكونوميكالىق زەرتتەۋلەر ينستيتۋتىنىڭ مالىمەتىنشە، 2005 -جىلدان باستاپ ا ق ش- تان تارتىلعان تىكەلەي شەتەل ينۆەستيتسياسىنىڭ جالپى اعىنى 48,8 ميلليارد دوللاردى قۇرادى.

بۇل - قازاقستانعا تارتىلعان بارلىق شەتەلدىك ينۆەستيتسيالاردىڭ شامامەن 13,5 پايىزى.

ا ق ش ەل ەكونوميكاسىنىڭ نەگىزگى 3 ينۆەستورىنىڭ قاتارىنا كىرەدى.

امەريكالىق ينۆەستورلار تاۋ- كەن ءوندىرۋ سەكتورىنا كوبىرەك قىزىعۋشىلىق تانىتادى.

ەلىمىزدىڭ تاۋ- كەن ءوندىرۋ ونەركاسىبىندەگى بارلىق تىكەلەي شەتەل ينۆەستيتسياسىنىڭ شامامەن 30 پايىزى امەريكالىقتارعا تيەسىلى.

ا ق ش- تان تىكەلەي ينۆەستيتسيالاردىڭ ازداعان كولەمى قارجى جانە ساقتاندىرۋ قىزمەتىندە (ۇلەسى %6,6) جانە گەولوگيالىق بارلاۋدا (%9,8) تىركەلگەن.

2022 -جىلعى 1-قاڭتارداعى جاعداي بويىنشا ەلىمىزدە امەريكالىق كاپيتالدىڭ قاتىسۋىمەن شامامەن 695 كاسىپورىن تىركەلگەن.

ونىڭ 658 ءى شاعىن، 15 ءى - ورتا جانە 22 ءسى - ءىرى كاسىپورىندار.

قازاقستاندىق- امەريكالىق 168 كاسىپورىن كوتەرمە- بولشەك ساۋدادا، 181 كومپانيا وزگە قىزمەت تۇرلەرىندە، ال 83 كومپانيا كاسىبي، عىلىمي جانە تەحنيكالىق قىزمەتتە شوعىرلانعان.

وڭدەۋ ونەركاسىبىندە بارلىعى 36 امەريكالىق كاسىپورىن بار.