قازاقستاننىڭ 3 قالاسىندا وقۋشىلار ءۇشىنشى توقسان بويى ونلاين فورماتتا وقيدى

نۇر- سۇلتان. قازاقپارات - ەلىمىزدىڭ ءۇش قالاسىندا مەكتەپ وقۋشىلارى ساباقتى ونلاين فورماتتا وقيدى.

بۇل تۋرالى ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتى ءتورايىمى گۇلميرا كاريموۆا ءمالىم ەتتى، دەپ حابارلايدى قازاقپارات ءتىلشىسى.

«بۇگىن مەكتەپتە ءۇشىنشى توقسان باستالدى، ول 18- ناۋرىزعا دەيىن جالعاسادى. وقۋ ءارتۇرلى فورماتتا بولادى. ءبىزدىڭ مينيسترلىكتىڭ ۇستانىمى مەكتەپ وقۋشىلارىنىڭ ءداستۇرلى فورماتتا وقىعانى جانە سول ءۇشىن دە بار جاعدايدى جاسايدى. دەگەنمەن ەپيدجاعدايدىڭ كۇردەلەنە تۇسۋىنە بايلانىستى ەلىمىزدىڭ 3 قالاسىندا نۇر- سۇلتان، الماتى جانە شىمكەنتتە وقۋشىلار قاشىقتان، يانعي ونلاين فورماتتا وقيتىن بولادى. قازىرگى ۋاقىتتا مەكتەپتەردى تەحنيكالىق تۇرعىدان قامتۋ جۇمىسى اياقتالىپ جاتىر»، - دەدى گۇلشميرا كاريموۆا و ك ق- دە ونلاين وتكەن باسپا ءسوز ءماسليحاتىندا.

ونىڭ ايتۋىنشا، باسقا وڭىرلەردە دە 600-دەن كوپ وقۋشىسى بار مەكتەپتەر قاشىقتان وقۋعا كوشۋى ءتيىس.

«1-2- سىنىپ وقۋشىلارى ولاردىڭ جاس ەرەكشەلىگىن ەسكەرە وتىرىپ ساباقتى مەكتەپكە كەلىپ وقيدى. 3-5 - سىنىپ وقۋشىلارى كەزەكشى توپ فورماتىندا ءبىلىم الادى. ال قالعان سىنىپتار قاشىقتان وقۋعا كوشۋى ءتيىس. سونداي- اق، مەكتەپتە 600 وقۋشىدان از بولسا، ول مەكتەپكە ءداستۇرلى فورماتتا ءبىلىم بەرۋگە رۇقسات»، - دەيدى ول.

اۆتور: ءالي يبرايەۆ