مەملەكەت باسشىسى قاسىم-جومارت توقايەۆتىڭ جارلىعىمەن پاۆلودار وبلىسى ت ج د ءورت ءسوندىرۋ جانە اۆاريالىق- قۇتقارۋ جۇمىستارى قىزمەتىنىڭ №12-ءورت ءسوندىرۋ بەكەتى بولىمشەسىنىڭ كومانديرى ارىستانبەك ماشراپ قايتىس بولعاننان كەيىن Ⅲ دارەجەلى «ايبىن» وردەنى مەملەكەتتىك ناگراداسىمەن ماراپاتتالدى.
وردەندى توتەنشە جاعدايلار ءمينيسترى يۋري يلين ءورت ءسوندىرۋشىنىڭ اكەسى قابزولدين دۋلات ماشراپ ۇلىنا تاپسىردى. ەسكە سالا كەتەيىك، قايعىلى جاعداي 2021 -جىلدىڭ 25-اقپانىندا پاۆلودار وبلىسىنىڭ اقسۋ قالاسىندا بولعان. ارىستانبەك ماشراپ تۇرعىن ۇيدە شىققان ءورتتى ءسوندىرۋ كەزىندە جان تاپسىرعان. ازاماتتىق قورعاۋ سەرجانتى ارىستانبەك ماشراپ 2018 -جىلدان باستاپ ازاماتتىق قورعاۋ ورگاندارىندا قىزمەت ەتتى. توتەنشە جاعدايلار ءمينيسترى يۋري يلين ارىستانبەكتىڭ مەزگىلسىز قايتىس بولۋىنا بايلانىستى اكەسىنە كوڭىل ايتتى.
ادامداردى قۇتقارۋ ءۇشىن ءوز ءومىرىن قيعان ت ج قىزمەتكەرلەرىنىڭ ەرلىگى سانامىزدان ەشقاشان وشپەيدى. 1991-2021 -جىلدار ارالىعىندا قىزمەتتىك بورىشىن اتقارۋ كەزىندە ازاماتتىق قورعاۋ ورگاندارىنىڭ 53 قىزمەتكەرى قازا بولدى.