بۇل تۋرالى بيولوگيالىق قاۋىپسىزدىك ماسەلەلەرى جونىندەگى عىلىمي-زەرتتەۋ ينستيتۋتىنىڭ باس ديرەكتورى كۇنسۇلۋ زاكاريا ايتتى، دەپ حابارلايدى قازاقپارات ءتىلشىسى.
«بۇگىندە قولدانىسقا رۇقسات ەتىلگەن ۆاكسينالاردىڭ بىردە-ءبىرى سىناقتىڭ ءۇشىنشى ساتىسىنان تولىقتاي وتكەن جوق. دۇنيەجۇزىلىك دەنساۋلىق ساقتاۋ ۇيىمى پاندەميا كەزەڭىندە العاشقى ەكى ساتىدا جاقسى ناتيجە كورسەتكەن ۆاكسينا مەديتسينادا قولدانۋعا بولادى دەگەن شۇعىل شەشىم قابىلداعان بولاتىن. سوندىقتان بىزدە دە بارلىق كلينيكالىق زەرتتەۋلەردىڭ تولىق وتكەنىن كۇتەتىن ۋاقىت جوق»، - دەدى كۇنسۇلۋ زاكاريا ءبىلىم جانە عىلىم مينيسترلىگىنىڭ Instagram-پاراقشاسىندا وتكەن ونلاين بريفينگ بارىسىندا.
ونىڭ اتاپ وتۋىنشە، ارالىق ناتيجە جاقسى بولعان كەزدە ۆاكسينانى قولدانۋعا رۇقسات بەرىلەدى.
«وسىلايشا، وزگە ۆاكسينالار سياقتى ءبىزدىڭ دە ۆاكسينامىز ۋاقىتشا مەملەكەتتەن تىركەۋدەن ءوتتى جانە كلينيكالىق زەرتتەۋدىڭ 3-ساتىسى 50 پايىزعا ورىندالعاننان كەيىن مەديتسينالىق قولدانىسقا ەنگىزىلدى. اتالعان ۆاكسينانىڭ ناقتى كولەمى شىعارىلدى. بۇگىندە كوروناۆيرۋس ينفەكسياسىنان ۆاكسينادان وزگە قورعانىس قۇرالى جوق ەكەندىگىن ءتۇسىنۋ قاجەت. دارىلىك زات ءالى جاسالمادى، ولار ەندى عانا جاسالاتىن بولادى»، - دەدى ينستيتۋت باس ديرەكتورى.