«جالپى، مەملەكەت پەن مەديتسينا قىزمەتكەرلەرىنىڭ كۇش- جىگەرىنىڭ ارقاسىندا رەسپۋبليكاداعى مەديتسينالىق- دەموگرافيالىق احۋال بىلايشا سيپاتتالادى. ءومىر ءسۇرۋ ۇزاقتىعىنىڭ ءوسۋى بايقالدى. 2020 -جىلدىڭ قورىتىندىسى بويىنشا نارەستە ءولىمىنىڭ كورسەتكىشى % 3- عا تومەندەدى. بالا تۋۋ كورسەتكىشى % 3- عا وسكەنى بايقالدى»، - دەدى مينيستر ورتالىق كوممۋنيكاتسيالار قىزمەتىندە.
ونىڭ ايتۋىنشا، قاتەرلى اۋرۋلاردان بولاتىن ءولىم كورسەتكىشى 3 پايىزعا تومەندەدى. بىرلەسكەن ۆەدومستۆوارالىق جۇمىستىڭ ارقاسىندا جاراقاتتاردان، جازاتايىم وقيعالاردان جانە ۋلانۋدان بولاتىن ءولىم- ءجىتىم كورسەتكىشى 15 پايىزعا ازايدى. تۋبەركۋلەز سياقتى قاۋىپتى اۋرۋدان بولاتىن ءولىم 21 پايىزعا تومەندەدى.
«بۇل قۇرعاق سانداردىڭ ارتىندا ادام ءومىرى، مەديتسينا قىزمەتكەرلەرىنىڭ قاجىرلى ەڭبەگى، سونداي- اق ىشكى ىستەر قىزمەتتەرىنىڭ، جەرگىلىكتى اتقارۋشى جانە ورتالىق مەملەكەتتىك ورگانداردىڭ قىزمەتى تۇرعانىن اتاپ وتكەن ءجون. ءتىپتى ءولىمنىڭ كەم دەگەندە % 1- عا تومەندەۋى دە ۇلكەن جەتىستىك بولىپ سانالادى، ويتكەنى ەل اۋقىمىندا بۇل پايىزدىڭ ارتىندا مىڭداعان ادامنىڭ ءومىرى جاتىر»، - دەدى ا. سوي.
اۆتور: رۋسلان عابباسوۆ