ۆاكسيناسىنىڭ 3-كلينيكالىق سىناعى قاشان اياقتالادى
«قازىرگى ۋاقىتتا دۇنيەجۇزىندە كلينيكالىق سىناقتىڭ 1, 2 جانە 3-ساتىسىنان ءوتىپ جاتقان ۆاكسينالاردى «كانديداتتىق ۆاكسينالار» دەپ اتايدى. ولاردىڭ سانى 200-دەن اسادى. سونىڭ ىشىندە ءبىزدىڭ ۆاكسينامىز 14- بولىپ كلينيكالىق زەرتتەۋگە شىقتى جانە الەمدە 5- بولىپ ادامدارعا ەگۋگە رۇقسات الدى. ۆاكسينامىز يناكتيۆتەلگەن، ياعني ولتىرىلگەن ۆيرۋس تەحنولوگياسى بويىنشا ازىرلەنەدى. بۇل تەحنولوگيانىڭ قولدانىلعانىنا 60 جىلدان استام ۋاقىت ءوتتى جانە ول تولىق زەرتتەلگەن. ونىڭ ىشىندەگى قۇرام- بولىك زاتتار بۇرىننان بەلگىلى جانە ونى بىرنەشە بۋىن ۇرپاق العان. بالالارعا ەگىلەتىن كوپتەگەن ۆاكسينا وسى تەحنولوگيا بويىنشا ازىرلەنەدى. ياعني، ونىڭ قۇرام- بولىكتەرى ۇلكەن قاتەر تۋدىرمايدى، زارارسىز. اعزاعا ەش قاتەرى جوق. بۇل تەحنولوگياعا تەك SARS-CoV-2 ، كوروناۆيرۋس اۋرۋىن قوزدىرتاتىن ۆيرۋس قانا قوسىلادى»، - دەدى كۇنسۇلۋ زاكاريا ءبىلىم جانە عىلىم مينيسترلىگىنىڭ Instagram-پاراقشاسىندا وتكەن ونلاين بريفينگ بارىسىندا.
ونىڭ ايتۋىنشا، الەمدە ازىرلەنىپ، پايدالانۋعا بەرىلگەن ۆاكسينالاردىڭ ەشقايسىسى كلينيكالىق سىناقتىڭ ءۇشىنشى ساتىسىنان وتپەگەن. «زەرتتەۋلەر ءالى جالعاسىپ جاتىر. بىرەۋلەرى كلينيكالىق سىناقتىڭ 3-ساتىسىنا ەندى شىعادى. مىسالى، «سپۋتنيكا V « وسى جىلدىڭ مامىر ايىندا كلينيكالىق سىناقتىڭ 3-ساتىسىنان تولىق وتەدى. ال «QazVac» ۆاكسينامىزعا وسى جىلدىڭ شىلدە ايىندا كلينيكالىق سىناقتىڭ 3-ساتىسى اياقتالادى. سول ۋاقىتتا ءوزىمىزدىڭ زەرتتەۋلەردىڭ تولىق ناتيجەسىن الامىز»، - دەدى ول.
اۆتور: مارلان جيەمباي