فۋتبولدان قازاقستان پرەمەر-ليگاسى: «توبىل» 3-ورىنعا كوتەرىلدى

نۇر-سۇلتان. قازاقپارات - بۇگىن فۋتبولدان پرەمەر-ليگا كوماندالارى اراسىنداعى قازاقستان چەمپيوناتىنىڭ ون ەكىنشى تۋرى مارەسىنە جەتتى، دەپ حابارلايدى قازاقپارات ءتىلشىسى.

العاشقى ويىن قىزىلوردانىڭ «قايسارى» مەن كوكشەتاۋدىڭ «وقجەتپەس» كوماندالارى اراسىندا ءوتتى.

ويىندا گول سوعىلعان جوق. كوماندالار 0:0 ەسەبىنە قاناعات ءبىلدىردى. تاعى ءبىر كەزدەسۋدە شىمكەنتتىڭ «ورداباسى» جانە جامبىل وبلىسىنىڭ «تاراز» كوماندالارى شەبەرلىك بايقاستى.

وڭتۇستىك ولكە كلۋبتارى اراسىنداعى ويىندا تارازدىقتار ساپىنان 56-مينۋتتا گوران بركيچ ەەپ اشتى.

وعان 77-مينۋتتا «ورداباسى» ويىنشىسى ۆيكتور دميتريەنكو ءبىر گولمەن جاۋاپ بەردى. كەزدەسۋ 1:1 ەسەبىمەن تەڭ اياقتالدى. سوڭعى ويىندا قوستانايدىڭ «توبىلى» مەن تالدىقورعاننىڭ «جەتىسۋ» كلۋبتارى جاسىل الاڭعا شىقتى. ويىننىڭ 53-مينۋتىندا قوستانايلىق دجابا كانكابا ەسەپ اشتى.

ال 59-مينۋتتا قوستانايلىق تاعى ويىنشى جەرەمي مانزوررو ەسەپتى ۇستەمەلەي ءتۇستى. ويىندا «توبىل» قارسىلاسىنان 2:0 ەسەبىمەن باسىم ءتۇستى. تۋرنير كەستەسىندە ءۇشىنشى ورىنعا كوتەرىلدى.

ەستەرىڭىزگە سالا كەتەلىك، 1- قازاندا ەلوردالىق «استانا» اقتاۋدىڭ «كاسپييىنەن» 1:2 ەسەبىمەن جەڭىلىپ قالدى. ال الماتىنىڭ «قايراتى» مەن قاراعاندىنىڭ «شاحتەرى» 1:1 ەسەبىمەن تەڭ ءتۇستى. ەندى 4-قازاندا 6-تۋردىڭ كەيىنگە قالدىرىلعان ويىنىندا «استانا» مەن «قايرات» كوماندالارى كەزدەسەدى.