الداعى 3 جىلدا ۇلتتىق قوردان بولىنەتىن قارجى قايدا جۇمسالادى؟
بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.
«ءسىزدىڭ قاراۋىڭىزعا ۇلتتىق قوردان 2021-2023-جىلدارعا ارنالعان كەپىلدەندىرىلگەن ترانسفەرت تۋرالى زاڭ جوباسى جانە 2021-جىلعا ارنالعان نىسانالى ترانسفەرت ءبولۋ تۋرالى جارلىق جوباسى ۇسىنىلادى. كەپىلدەندىرىلگەن ترانسفەرتتى 2021-جىلى - 2,7 تريلليون تەڭگە، 2022-جىلى - 2,4 تريلليون تەڭگە جانە 2023-جىلى - 2,2 تريلليون تەڭگە مولشەرىندە ايقىنداۋ ۇسىنىلىپ وتىر. كەپىلدەندىرىلگەن ترانسفەرتتى الەۋمەتتىك مىندەتتەمەلەردى قارجىلاندىرۋعا باعىتتاۋ ۇسىنىلادى»، - دەدى مينيستر ۇكىمەت باسشىسى اسقار مامينگە قاراتا.
ونىڭ ايتۋىنشا، دامۋ باعدارلامالارىن قارجىلاندىرۋدى ۇلعايتۋ ءۇشىن 2021-جىلى ۇلتتىق قوردان 1 تريلليون تەڭگە مولشەرىندە نىسانالى ترانسفەرتتى تارتۋ ۇسىنىلىپ وتىر.
«وسىلايشا، بولجام بويىنشا تۇسىمدەر 2021-جىلى 11,4 تريلليون تەڭگە، 2022-جىلى - 11,8 تريلليون تەڭگە، 2023-جىلى - 12 تريلليون تەڭگەنى قۇرايدى. رەسپۋبليكالىق بيۋجەتتىڭ شىعىستارى 2021-جىلى 14 تريلليون تەڭگە، 2022-2023-جىلدارى - 13,9 تريلليون تەڭگە كولەمىندە بولجانۋدا. جالپى، الەۋمەتتىك- ەكونوميكالىق دامۋ بولجامى ماكروەكونوميكالىق تۇراقتىلىقتى ساقتاۋعا، ناتيجەلى جۇمىسپەن قامتۋعا، سونىمەن قاتار ۇلتتىق ەكونوميكانى تۇراقتى جانە ساپالى دامىتۋعا باعىتتالعان»، - دەدى ول.