ۇكىمەت كارانتيندى 3- مامىرعا دەيىن ۇزارتپاق
11:43, 10 - ءساۋىر 2020
ريم. ANSA - قازاقپارات - يتاليا ۇكىمەتى ەلدە كوروناۆيرۋستىڭ تارالۋىن شەكتەۋ ءۇشىن قابىلدانعان شارالاردى 3- مامىرعا دەيىن ۇزارتپاق.
بۇل تۋرالى پرەمەر- مينيستر دجۋزەپپە كونتە ءمالىم ەتتى، دەپ حابارلايدى قازاقپارات ANSA اگەنتتىگىنە سىلتەمە جاساپ.
اگەنتتىكتىڭ حابارلاۋىنشا، بەيسەنبى كۇنگى دەرەكتەرگە سايكەس، يتاليانىڭ قارقىندى تەراپيا بولىمىندەگى كوروناۆيرۋسى بار پاتسيەنتتەردىڭ سانى ءتورتىنشى كۇن قاتارىنان قىسقارىپ كەلەدى.
بۇل تۋرالى ازاماتتىق قورعانىس دەپارتامەنتى حابارلادى.
قازىرگى ۋاقىتتا يتاليادا مۇنداي 3605 پاتسيەنت بار، بۇل سارسەنبى كۇنگى ناۋقاستار سانىنان 88 ادامعا از. سونداي- اق ازاماتتىق قورعانىس دەپارتامەنتى قازىر ەلدە 96877 ادام COVID-19 ۆيرۋسىن جۇقتىرعانىن مالىمدەدى.
FNOMCEO دارىگەرلەر گيلديالارى فەدەراتسياسىنىڭ مالىمەتىنشە، كەشە يتاليادا كوروناۆيرۋس ەكى دارىگەردىڭ ءومىرىن قيعان. وسىلايشا ۆيرۋستان قايتىس بولعان دارىگەرلەر سانى 105 ادامعا دەيىن وسكەن.