وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وتكەن جىلى وڭىردە ىشكى ىستەر مينيسترلىگى بەلگىلەگەن ستاندارتتار بويىنشا فرونت- كەڭسەلەر اشىلدى. ونىڭ 3 ەۋى وبلىس ورتالىعىندا، قالعانى اۋدانداردا ورنالاسقان. پوليتسيانىڭ فرونت-كەڭسەلەرىنە وسى كەزگە دەيىن ءارتۇرلى ماسەلەمەن 3 مىڭعا جۋىق ازامات جۇگىندى. سونداي-اق، دەپارتامەنت باستىعىنىڭ ورىنباسارلارى اي سايىن فرونت-كەڭسەلەردە ازاماتتاردى جەكە قابىلدايدى.
«پوليتسيا قىزمەتكەرلەرى تەك كەڭەس بەرۋمەن شەكتەلمەيدى. سونىمەن بىرگە، مۇندا ءارتۇرلى قۇقىقتىق جانە قۇقىق بۇزۋشىلىق ماسەلەلەر تالقىلانادى. تۇرعىنداردى تولعاندىرعان تۇيىتكىلدەردى وڭتايلى شەشۋگە قاجەتتى شارالار قابىلدانادى»، - دەيدى اتىراۋ وبلىستىق پوليتسيا دەپارتامەنتى باستىعىنىڭ ورىنباسارى، پوليتسيا پودپولكوۆنيگى ءادىلحان بايدوسوۆ.