نۇر- سۇلتاندا ءبىر كۇندە 3 بالا تەرەزەدەن قۇلاپ كەتتى
«ساعات 11.32-دە بايقوڭىر اۋدانى كۇلتوبە بۇرىلىسىنداعى بەس قاباتتى ءۇيدىڭ ءۇشىنشى قاباتىنىڭ تەرەزەسىنەن ۇيدە قاراۋسىز قالعان بالا قۇلاپ كەتتى. 2017 -جىلى تۋعان بالا قازىر اۋرۋحانادا اۋىر حالدە جاتىر. سول سەكىلدى ساعات 12.39-دا سارى ارقا اۋدانى جەڭىس كوشەسىندەگى ءۇيدىڭ ءتورتىنشى قاباتىنداعى تەرەزەسىنەن 2015 -جىلى تۋعان بالا قۇلاپ، اۋرۋحاناعا جەتكىزىلدى. ونىڭ دا جاعدايى اۋىر»، - دەپ حابارلايدى كوميتەتتەن.
سونىمەن بىرگە، ساعات 16.01-دە الماتى اۋدانى مۇسىرەپوۆ كوشەسىندە بەسىنشى قاباتتىڭ تەرەزەسىنەن ۇيدە قاراۋسىز قالعان قىز بالا قۇلاپ كەتكەن. 6 جاسار بالا اۋرۋحانادا اۋىر حالدە جاتىر.
توتەنشە جاعدايلار كوميتەتى مۇنداي قاۋىپتى جاعدايلار بالالاردىڭ قاراۋسىز قالۋى سالدارىنان ورىن الاتىنىن حابارلايدى. كوميتەت اتا- انالاردى بالالارىن ۇيدە جالعىز قالدىرماۋعا شاقىرادى.
اۆتور: ايان بەكەن ۇلى