الداعى جىلدارى استانادا 3 كوپىر سالىنادى
استانا قالاسىنىڭ اكىمدىگى، قالانىڭ كولىك جۇيەسىن جاڭعىرتۋ شەڭبەرىندە ەڭ الدىمەن الەۋمەتتىك باعىتتاعى باعدارلاما ازىرلەگەن. بۇل تۋرالى بريفينگتە كولىك جانە جول- كولىك ينفراقۇرىلىمىن دامىتۋ باسقارما باسشىسىنىڭ ورىنباسارى ءاليحان كۋاتبەكوۆ ايتتى.
ونىڭ ايتۋىنشا، الداعى جىلدارى استانادا جاڭادان ءۇش كوپىر سالىنادى.
«الداعى 5 جىلدا 121 شاقىرىمدى قۇرايتىن جول سالۋ جانە 3 كوپىر مەن 2 جولايرىق سالۋ جوسپارلانىپ وتىر. ونىڭ ءبىرى جول وتپە، ءبىرى توننەل. بۇل ماگيسترالدىق كوشەلەردىڭ كولىك وتكىزۋ قۋاتىن ارتتىرادى» ، - دەدى ا. قۋاتبەكوۆ.
سونىمەن قاتار ول، وتكەن 3 جىلدا قالامىزدا 110 شاقىرىمدىق جاڭا جول سالىنعانىن، 102 شاقىرىمدىق جول جوندەلگەنىن ايتىپ ءوتتى.
جىل سوڭىنا دەيىن 28 شاقىرىمدىق جاڭا جولدىڭ قۇرىلىسى اياقتالادى. قازىر قالامىزدا 102 1 شاقىرىمدى قۇرايتىن 1039 كوشە بار جانە 8 كولىك ايرىعى، 17 اۆتوجول كوپىرى، 7 جەر استى جانە 4 جەر ءۇستى جاياۋ جۇرگىنشىلەر وتكەلى، 9 جول وتپەسى، 1 توننەل بار.