اۋا رايىنا بايلانىستى 3 وبلىستا اۆتوجولدار جابىلدى
اۋا رايىنىڭ قولايسىزدىعىنا بايلانىستى (جەل، كوكتايعاق، جولدىڭ ناشار كورىنۋى) «استانا- قاراعاندى» باعىتىنا بارلىق كولىك تۇرلەرىنە شەكتەۋ قويىلعان.
پاۆلودار وبلىسىندا جولداردىڭ جابىلۋىنا بايلانىستى « قىزىلوردا- پاۆلودار» ا/ج ۋچاستىگىندە (1135- 1205 كم) كولىكتىڭ بارلىق تۇرلەرىنىڭ جۇرۋىنە تىيىم سالىنعان.
اۋا رايىنىڭ بۇزىلۋىنا وراي (كورۋ مۇمكىندىگىنىڭ شەكتەۋلىگى) قاراعاندى وبلىسىنداعى «جەزقازعان- پەتروپاۆل» اۆتوجولىنىڭ 65-252 شاقىرىم ارالىعىنا (جەزدى كەنتى- قوستاناي وبلىسى) بارلىق كولىك تۇرلەرىنىڭ قوزعالىسىنا شەكتەۋ قويىلدى
6 -ناۋرىز ساعات 23.00-دەن باستاپ اقمولا وبلىسىندا اۆتوجولداردىڭ جابىلۋىنا بايلانىستى «الماتى- پەتروپاۆل» كۇرە جولىنىڭ 65-252 كم شاقىرىم ارالىعى (جەزدى كەنتى- قوستاناي وبلىسىنىڭ شەكاراسى) بارلىق كولىكتەر ءۇشىن جابىلدى.
ونىڭ ۇستىنە «الماتى - ەكاتەرينبۋرگ» (641-1007 ك م، قاراعاندى - بالقاش قالالارى) جولدارى ۋاقىتشا جابىلدى.
اقمولا وبلىسىندا دا اۋا رايىنىڭ ناشارلاۋىنا بايلانىستى (قار، قاتتى كوكتايعاق، 15-25 م/س ەكپىندەگى جەل، كورۋ مۇمكىندىگىنىڭ شەكتەۋلىگى) كولىكتىڭ بارلىق تۇرىنە «ەكاتەرينبۋرگ- الماتى» (استانادان قاراعاندى وبلىسىنىڭ شەكاراسىنا دەيىنگى 1275-1353 ك م اۋماق) تاس جولى جابىق.