ول باسپانا جەكە مەنشىككە بەرىلمەيدى، تەك جالعا الۋعا بولادى. بيىل وسى ساناتتاعى تۇرعىن ۇيلەردى سالۋعا 25 ميلليارد تەڭگە ءبولىندى، دەپ حابارلايدى قازاقپارات ءتىلشىسى.
ق ر ينۆەستيتسيالار جانە دامۋ ءمينيسترى جەڭىس قاسىمبەكتىڭ ايتۋىنشا، بۇگىندە 25 ميلليارد تەڭگەنىڭ 6 ميللياردى ايماقتارعا اۋدارىلدى. اقشانىڭ قالعان سوماسى قارجىلاندىرۋ جوسپارى بويىنشا بەرىلەدى. «وسى ۋاقىتقا دەيىن اۋدارىلعان اقشاعا 5936 پاتەردىڭ قۇرىلىسى باستالدى. اعىمداعى جىلدا ول پاتەرلەردىڭ 2687 ىن پايدالانۋعا بەرۋ جوسپارلانىپ وتىر»، - دەپ اتاپ كورسەتتى قاسىمبەك ۇكىمەتتىڭ بۇگىنگى وتىرىسىندا.
ايتا كەتەيىك، وتىرىس بارىسىندا مينيستر «نۇرلى جەر» مەملەكەتتىك باعدارلاماسى بويىنشا جارتى جىلدىڭ ىشىندە سالىنعان باسپانانىڭ سانىن جاريالادى. سونداي-اق، قاي وبلىستا جەر ۋچاسكەلەرىنىڭ كوپتەپ بەرىلەتىنىن جەتكىزدى. ءمينيستردىڭ ايتۋىنشا، ءبىرقاتار ايماقتاردا حالىققا جەڭىلدەتىلگەن يپوتەكا بەرىلە باستادى.