قايشىدان قورىققان قىز 3 جىل بويى تىرناعىن الماعان
پاتالوگيالىق قورقىنىش 2014 -جىلدان باستالعان، دەپ جازادى Mirror.
سودان بەرى بويجەتكەن تىرناعىن ەشقاشان الماعان ەكەن. قازىر تىرناعىنىڭ ۇزىندىعى - 10 سانتيمەتر. مەكتەپ وقۋشىسى «سۇلۋلىق» ءبىراز قيىندىق تۋدىرعانىمەن، وعان توزۋگە دايارمىن دەيدى. تەيلور «ەكىنشى ساۋساقتارىن» وسىرۋگە YouTube پورتالىنداعى ۇزىن تىرناقتاردىڭ كۇتىمى جايلى تۇسىرىلگەن بەينەروليكتىڭ مۇرىندىق بولعانىن العا تارتادى.
ايتۋىنشا، ول «جاڭا قولدارىمەن» بارلىق تۇرمىستىق جۇمىستى يگەرۋگە ماشىقتانعان، الايدا جازۋ، باقىلاۋ جۇمىستارىن جازۋ سياقتى ارەكەتتەر وعان فيزيكالىق اۋىرتپالىق تۇسىرەتىن كورىنەدى.
«مەن ءۇشىن قولىما قالام الىپ، بىردەڭە جازۋ قيىن. ءبىر ساعاتتان كەيىن قولدارىم قاتتى اۋىرا باستايدى. مەنەن كوبى بويانعانىڭدا، بەتىڭدى جۋىپ، ءتىسىڭدى ىسقاندا، دارەتحاناعا بارعانىڭدا تىرناقتارىڭ قيىندىق تۋدىرماي ما دەپ سۇراپ جاتادى. ەڭ قيىنى - باس جۋۋ. تىرناقتارىم شاشتارىمنىڭ اراسىندا تۇرىپ، شاتاسىپ قالادى. سوندىقتان ابايلاپ، ساقتىقپەن ارەكەت ەتۋىمە تۋرا كەلەدى»، - دەيدى سيمونا.
سونىمەن قاتار ول بىرنەشە جىلدىڭ ىشىندە ءبىر رەت قانا تىرناعىن سىندىرىپ العانىن ايتادى.
«تىرناقتارىمدى تەك ءبىر رەت شارباقتان سەكىرىپ ءوتىپ بارا جاتقان كەزدە سىندىرىم العانمىن»، - دەيدى ول.
ۇستازدارى سيمونادان تىرناقتارىن الىپ تاستاۋىن ۇنەمى وتىنەدى، سەبەبى تىرناقتار وقۋشىنىڭ دەنە شىنىقتىرۋ ساباعىنا قاتىسۋىنا كەدەرگى كەلتىرەدى. الايدا سيمونا ءوزىنىڭ دەگەنىنەن قايتار ەمەس.
www.24.kz