شىمكەنتتە كولىك گاز قۇبىرىنا سوعىلىپ، 3 ادام اجال قۇشتى
15:53, 11 - ناۋرىز 2017
استانا. قازاقپارات - تۇنگى ساعات 2 شاماسىندا شىمكەنتتىڭ سامال-3 شاعىن اۋدانىندا ورىن العان جول اپاتى سالدارىنان ءۇش ادام مەرت بولدى، دەپ حابارلايدى قازاقپارات otyrar.kz سايتىنا سىلتەمە جاساپ.
جاقىن ماڭدا ورنالاسقان ۇيلەردىڭ تۇرعىندارى قاتتى جارىلىستىڭ داۋسىنان ويانىپ كەتىپ، دالاعا جۇگىرىپ شىققان. ولار وتقا ورانعان باعان مەن ەكى كولىكتى كورگەن. ءبىراق كۋا بولعانداردىڭ ايتۋىنشا، ەكىنشى ماشينا وقيعا ورنىنان دەرەۋ كەتىپ قالعان.
ىشىندە جولاۋشىلارى بولعان اۆتوكولىك كۆارتالىشىلىك گاز قۇبىرىنا سوعىلىپ، ارتىنشا گاز تۇتانعان.
كولىكتىڭ ىشىندە 4 ادام -ەكى ەر ادام، ايەل مەن ءبىر بالا بولدى. بارلىق ەرەسەك ادامدار كوز جۇمدى. وقيعا ورنىنا جەتكەن قۇتقارۋشىلار ولاردىڭ دەنەلەرىن مايىسقان كولىكتەن ارنايى تەحنيكامەن الىپ شىقتى. 4 جاسار بالا اۋرۋحاناعا جەتكىزىلدى.