استانادا كوشپەلىلەر وركەنيەتى فەستيۆالى 3 كۇنگە سوزىلادى
مەرەكەلىك شارالار تىزبەگىندەگى كوپتەن كۇتەتىن وقيعالاردىڭ ءبىرى «مىڭجىلدىقتار توعىسىنداعى استانا» كوشپەلىلەر وركەنيەتى فەستيۆالى 3 -شىلدە كۇنى شىمىلدىعىن اشادى. اتالمىش شارا شىلدەنىڭ 6 سىنا دەيىن جالعاسادى.
ۇيىمداستىرۋشىلار اتا-بابالارىمىزدىڭ ءومىرى مەن تۇرمىس- تىرشىلىگى جايلى بايانداپ بەرەتىن قانىق باعدارلاما ازىرلەدى. قوناقتار تاڭعى ساعات 11-دەن كەشكى 22.30 عا دەيىن ەتنواۋىلدىڭ كوشپەلى حالقىنىڭ مادەنيەتىنىڭ ءارالۋاندىلىعىن تاماشالاي الادى.
قالاشىققا كەلەتىن ەڭ كىشكەنتاي قوناقتار ءۇشىن كىرەبەرىستە كيىزدەن الاڭقاي جاسالادى، بۇرىن بالالار وسىنداي الاڭدا ويناعان. وسى جەردە جاس ءبىلىمقۇمارلار مەرەكە كۇندەرى كيىز ءۇي قۇرۋدى ۇيرەنەدى. سونىمەن قاتار، فەستيۆال قوناقتارى «كوشپەلىلەر مۋزەيىن» ارالايدى، قازاق ۇلتتىق ويىندارىنان سايىستارعا قاتىسادى. كوشپەلىلەر سيركى، ءبي ۇجىمدارىنىڭ ونەرى، ءداستۇرلى «ات جالىندا» اتتى كاسكادەرلىك شوۋ، «سايات» اۋشى قۇستار دۋمانى جانە سالت- جورالىق، مۋزىكالىق فولكلور فەستيۆال باعدارلاماسى كورەرمەندەرىن ودان سايىن قىزىقتىرا تۇسپەك. ال «كوستيۋمدەر تاريحى» باعدارلاماسىندا ۇلى دالا توسىندە بالالار كيگەن كيىم- كەشەكپەن، ونىڭ تاريحىمەن تانىسۋعا بولادى.
ادەتتەگىدەي، فەستيۆالگە قازاقستاننىڭ وڭىرلەرىنەن عانا ەمەس، سونىمەن قاتار، تاياۋ شەتەلدەردەن دە حالىق قولونەرىنىڭ شەبەرلەرى كەلەدى. شەبەرلىك دارىستەر بارىسىندا قولونەرشىلەر قاراپايىم جىپتەن ويۋ- ورنەكتى كىلەم توقۋ نەمەسە مەتالل كەسەگىنەن كوزدىڭ جاۋىن الاتىن اشەكەيلەر جاساۋ ونەرىن ورتاعا سالادى. سونداي- اق ولاردىڭ ەڭبەكتەرىن قولدانبالى ونەر زاتتارى ساتىلاتىن جارمەڭكەدەن تابۋعا بولادى.
فەستيۆالدىڭ ءار كۇنى ەرەكشە سازدى كونتسەرتتەر ۇيىمداستىرىلادى. مىسالى، شارانىڭ اشىلۋىندا ساعات 16.00-دە ۇلت- ازاتتىق كوتەرىلىستىڭ 100 جىلدىعىنا ارنالعان ەپيكالىق اندەردى تىڭداۋعا بولادى. ال كەشكەساعات 21.30 دان 22.30 عا دەيىن قوناقتار نۇرلان ونەربايەۆتىڭ كونسەرتىن تاماشالايدى.
كەلەسى كۇنى قازاق حالقىنىڭ ۇلى اقىنى جامبىل جابايەۆتىڭ 170 -جىلدىعىنا ورايلاستىرىلعان كونسەرت وتەدى. مۇندا اقىننىڭ قاناتتى شابىتپەن دۇنيەگە كەلگەن شىعارمالارىن تىڭداۋعا بولادى.
ال شارانىڭ سوڭىندا كەلۋشىلەر «جۇيەلى ءسوز» ءداستۇرلى اقىندار ايتىسىن تاماشالايدى.
مۇنىمەن قوسا، 5 -شىلدەدە ساعات 16.00 دە قوناقتار ءۇشىن اتاقتى ءانشى، كومپوزيتور دانەش راقىشەۆتىڭ 90 جىلدىعىنا ورايلاستىرىلعان «كۇمىس كومەي» ءدارىس كونسەرت ۇيىمداستىرىلادى. سودان كەيىن ساعات 19.00 اقىندار اقتىق سىندا ءسوز جارىستىرادى، مەرەكەلىك جىر سايىسىنىڭ قورىتىندىسى شىعارىلادى.
فەستيۆالدىڭ سوڭعى كۇنى جىر توگلىپ، كۇي كۇمبىرلەيدى. «حاسساك» جانە «سارى ارقا» فولكلورلىق- ەتنوگرافيالىق انسامبلدەردىڭ كونسەرتىنەن كەيىن ساعات 17.00 ەلىمىزدىڭ تاۋەلسىزدىگىنىڭ 25 -جىلدىعىنا ارنالعان ەپوس كەشى وتكىزىلەدى. اتالمىش كەڭ اۋقىمدى شارانىڭ شىمىلدىعى ءداستۇرلى «استانا- ارقاۋ» تۇركى مۋزىكاسى فەستيۆالىمەن جابىلادى.
كوشپەلىلەر وركەنيەتى فەستيۆالى ساعات 20.00 «توي تارقار» شاراسىمەن سالتاناتتى تۇردە جابىلادى.