قۋانىش 8 -اقپان كۇنى بازارعا قاراي بەت العان ەدى. جولدا ورتەنىپ جاتقان ءۇيدى كورگەندە ەسى شىعىپ، قاتتى ۋايىمدادى. ونىڭ قارسى الدىنان شىققان اجەي دە سويلەۋگە شاماسى كەلمەي، ەنتىگىپ، باراك ءۇي جاقتى كورسەتەدى. سول ساتتە ول ۇيگە جاقىنداعاندا ىشىندە شىرقىراي جىلاعان بالالاردىڭ ءۇنى ەستىلەدى. ءبىراق، ەسىك سىرتىنان قۇلىپتاۋلى بولعان.
«شىنىمدى ايتسام، مەن العاشىندا نە ىستەرىمدى بىلمەي ساسىپ قالدىم. پاتەر ەكى بولمەلى ەكەن، ءبىر بولمەنىڭ تەرەزەسى ۇلكەن بولعانىمەن ىشكە كىرۋ مۇمكىن ەمەس بولدى، لاۋلاعان ءورت قۇشاعىندا قالىپتى. ال ءدالىز تەرەزەسى كىشكەنتاي، مەن سىياتىن ەمەسپىن، ءبىراق كوپ ويلانىپ تۇراتىن ۋاقىت بولعان جوق، ءدالىز تەرەزەسىن اياعىمەن ءبىر تەۋىپ سىندىرىپ، جان- جاعىن اينەكتەن تازارتىپ، قويۋ ءارى قاپ- قارا تۇتىنگە تۇنشىققان بۇلدىرشىندەردى ءبىر- بىرلەپ قولىنان تارتىپ، تىسقا شىعاردىم»، - دەيدى قۋانىش.
بۇلدىرشىندەر قاۋىپسىز جەرگە شىعارىلعان سوڭ، ءورت شاتىرعا لاپ قويىپ، ەلەكتر جەلىلەرى مەن گاز قۇبىرى جارىلدى.
ت ج قىزمەتكەرلەرى قۋانىشتىڭ ەرلىك كورسەتكەنى ءۇشىن العىس ءبىلدىردى. ال بالالارىن اجالدان امان الىپ قالعان قۋانىش بەردەنوۆكە اتا-انالار العىستارىن جاۋدىردى.