اتىراۋلىق «اتقىش» 3 جىلعا سوتتالدى
09:14, 30 - قىركۇيەك 2015
استانا. قازاقپارات - جىلىوي اۋداندىق سوتى بۇزاقىلىق جاساۋعا كۇدىكتى ا. حاسانوۆقا قاتىستى قىلمىستىق ءىستى قارادى، دەپ حابارلادى اتىراۋ وبلىستىق سوتىنىڭ باسپا ءسوز قىزمەتى.
2015 -جىلعى 9 -شىلدەدە ا. حاسانوۆ قوسشاعىل كەنتىندە «اقنيەت» دۇكەنىنىڭ جانىندا ءوزىنىڭ تانىسىن كەزدەستىردى، ونىمەن ەكەۋى سوزگە كەلىپ قالدى، وعان سەبەپ دۇرىس امانداسپادىڭ دەگەن سىلتاۋ. ەكى ساعاتتان كەيىن ول ۇيىنەن اڭشىلىق مىلتىعىن الىپ شىعىپ، ءوزىنىڭ دوستارىمەن دۇكەنگە كەلدى جانە اۆتوموبيل سالونىندا وتىرىپ، جان- جاعىنا وق اتا باستادى.
وسى كەزدە كوشەدە كەتىپ بارا جاتقان «تويوتا- حايليۋكس» اۆتوماشيناسىنىڭ 75 جاستاعى جۇرگىزۋشىسىىنە كەزدەيسوق وق جارقىنشاعى ءتيدى. تاعى ءبىر وق ونىڭ ماشيناسىنىڭ ەسىگىنە قادالدى.
سوتتىڭ ۇكىمىمەن ا. حاسانوۆ ق ر ق ك 3- ءبولىمى 293-بابى 2-تارماعىمەن (بۇزاقىلىق) ايىپتى دەپ تانىلىپ، 3 جىلعا باس بوستاندىعىن ايىرۋ جازاسى تاعايىندالدى.