سەسسيادا قالانىڭ ەكولوگيالىق قاۋىپسىزدىگىن قامتاماسىز ەتۋ جانە قورشاعان ورتانى قورعاۋ، سونداي- اق، ءماسليحاتتىڭ كەيبىر شەشىمدەرىن وزگەرتۋ ماسەلەلەرى تالقىلاندى.
استانا قالاسى اكىمىنىڭ ورىنباسارى قوسمان ايتمۇحامبەتوۆتىڭ ايتۋىنشا، بۇگىندە استانا قالاسىن 2020 -جىلعا دەيىنگى دامىتۋ جوسپارىن ىسكە اسىرۋ اياسىندا ەكولوگيالىق جاعدايدى جاقسارتۋعا بايلانىستى باستى باعىتتار ايقىندالدى.
- اتموسفەرانى لاستاۋشى قالدىقتاردىڭ جالپى سالماعى 2014 - جىلى 165 مىڭ توننانى قۇراعان. اتموسفەرانىڭ لاستانۋ يندەكسىنىڭ كورسەتكىشى - 3,7 بىرلىك. ەلوردالىق اۋە باسسەينىنىڭ جاعدايى حالىقتىڭ تۇرمىسى ءۇشىن وتە قولايلى بولىپ تابىلادى، - دەدى ق. ايتمۇحامەتوۆ.
ونىڭ ايتۋىنشا، لاستانۋدىڭ نەگىزگى كوزى - اۆتوكولىك قۇرالدارى (%55,6) . ج ە و-1, ج ە و-2 سەكىلدى ەنەرگەتيكالىق كاسىپورىنداردىڭ ۇلەسى %30,96 قۇراسا، باسقا دا لاستانۋ كوزدەرى - %15,74، جەكە سەكتوردان لاستانۋ - %9,4 پايىز بولدى.
ءىس- شارالار جوسپارىنا سايكەس، ۆەدومستۆو قاراماعىنداعى كاسىپورىنداردىڭ 3 مىڭنان استام كولىگىن گازموتورلى جانارمايمەن الماستىرۋ كەرەك. بۇنداي جانارماي ءتۇرىن پايدالانعان جاعدايدا ءتۇتىن شىعۋ تومەندەپ، قورعاسىن قوسپالارىنىڭ پايدا بولۋى ازايادى.
سەسسيا بارىسىندا قالالىق ءماسليحاتتىڭ «استانا قالاسىندا سۋ نىساندارىندا جالپى سۋدى پايدالانۋدىڭ ەرەجەلەرى تۋرالى»، «استانا قالاسىنىڭ اۋماعىندا قۇرىىلىس جۇرگىزۋ ەرەجەلەرى تۋرالى» شەشىمدەرىنە وزگەرىستەر ەنگىزىلدى.
سەسسيا سوڭىندا قالالىق ءماسليحاتتىڭ كەلەسى وتىرىسىندا قارالاتىن ماسەلەلەر بەكىتىلدى.