ايەل مەن جاسوسپىرىمدى قۇتقارعان قوستانايلىق ءورت ءسوندىرۋشى «ايبىن» 3- دارەجەلى وردەنىمەن ماراپاتتالدى
بۇل تۋرالى قوستاناي وبلىسى ت ج د سايتىندا حابارلاندى.
«اسكەري جانە قىزمەتتىك بورىشىن ۇلگىلى ورىنداعانى، زاڭدىلىق پەن قۇقىقتىق ءتارتىپتى قامتاماسىز ەتۋ كەزىندە كورسەتكەن ەرلىگى مەن وجەتتىگى ءۇشىن ماراپاتتاۋ تۋرالى جارلىققا ق ر پرەزيدەنتى نۇرسۇلتان نازاربايەۆ 2014-جىلعى 5- جەلتوقساندا قول قويعان. ساكەن قۇلانبايەۆ بۇل جوعارى ناگراداعا ءوز ءومىرىن قاۋىپكە تىگىپ، وتقا ورانعان ۇيدەن 68 جاستاعى ر. مۇستايەۆانى، 10 جاستاعى ا. شوتبايەۆانى الىپ شىققان قاھارماندىعى ءۇشىن لايىقتى دەپ تانىلدى»، - دەلىنگەن حابارلامادا.
«ول ەلىنىڭ ناعىز پاتريوتى. قىزمەتتە ناعىز ەرجۇرەك باتىرلاردىڭ قاتارى كوبەيىپ كەلە جاتقانىن ماقتان تۇتامىن»، - دەپ اتاپ ءوتتى ت. كاكىموۆ. ناگرادا يەگەرى بولسا، مۇنداي وردەن الۋ - ەرەكشە قۇرمەتتىڭ بەلگىسى دەيدى.
«بۇل مەنىڭ جانە قوستاناي وبلىسىنىڭ بارلىق ءورت سوندىرۋشىلەرىنىڭ، بارلىق ارىپتەستەرىمنىڭ قاراپايىم ەڭبەگىنە دەگەن ەرەكشە باعا، قۇرمەت دەر ەدىم. وتانىمىزعا ادال قىزمەت ەتىپ، ادامداردى قاۋىپتەن قۇتقاراتىن ءورت ءسوندىرۋشى ماماندىعىن تاڭداعانىما قۋانىشتىمىن»، - دەپ اقجۇرەگىنەن اقتارىلدى ت. كاكىموۆ.