سيريادا اپاتقا ۇشىراعان ۇشاقتا رەسەيدىڭ 39 اسكەريى بولعان
10:38, 07 - ناۋرىز 2018
استانا. قازاقپارات - سيريادا اپاتقا ۇشىراعان ان-26 ۇشاعىندا 6 ەكيپاج مۇشەسى مەن 33 جولاۋشى بولعان.
ولاردىڭ وتباسىلارىنا قاجەتتى كومەك پەن قولداۋ كورسەتىلەتىن بولادى، دەپ حابارلايدى تاسس اگەنتتىگى رەسەي فەدەراتسياسى قورعانىس مينيسترلىگىنە سىلتەمە جاساپ.
بۇعان دەيىن ۇشاق بورتىندا 32 ادام بولعانى حابارلانعان بولاتىن.
«انىقتالعان مالىمەتتەر بويىنشا، حمەيميم اەرودرومىنا قونۋ بارىسىندا اپاتقا ۇشىراعان ان-26 كولىكتىك ۇشاعىنىڭ بورتىندا 33 جولاۋشى مەن 6 ەكيپاج مۇشەسى بولعان. ولاردىڭ بارلىعى ر ف قارۋلى كۇشتەرىنىڭ اسكەري قىزمەتكەرلەرى. ۇشاققا وق اتىلماعان. رەسەي قورعانىس مينيسترلىگىنىڭ كوميسسياسى وقيعانىڭ بارلىق نۇسقالارىن زەرتتەۋدە»، - دەپ اتاپ ءوتتى ۆەدومستۆودان.
ر ف قورعانىس مينيسترلىگىندە قازا بولعان اسكەري قىزمەتشىلەردىڭ وتباسىلارى مەن جاقىندارىنا بارلىق مۇمكىن بولعان جانە قاجەتتى كومەك پەن قولداۋ كورسەتىلەتىنىن ايتتى.