بۋراباي كازينوسىندا بومبا: 393 ادام ەۆاكۋاتسيالاندى
ۆەدومستۆونىڭ مالىمەتىنشە، 24-تامىز كۇنى، ساعات 09:49-دا بۋراباي اۋداندىق پوليتسيا بولىمىنە قاۋىپسىزدىك قىزمەتىنىڭ قىزمەتكەرىنەن «CashVille» كازينوسىندا جارىلىس بولۋ قاۋپى تۋرالى اقپارات ءتۇستى.
«پوليتسيا قىزمەتكەرلەرى جەكە سەكتوردىڭ اۋماعىن قورشاپ، شىعىپ بارا جاتقان كولىكتەردى تەكسەردى. قازىرگى ۋاقىتتا 393 ادام ەۆاكۋاتسيالاندى. بۇل دەرەك اقپاراتتى ەسەپكە الۋ كىتابىنا تىركەلدى. جارىلىس تەحنيكتەرى عيماراتتا جارىلۋ ءقاۋپى بار زاتتاردىڭ بار-جوعىن تەكسەرىپ جاتىر. سونىمەن بىرگە كۇدىكتىنىڭ جەكە باسىن انىقتاۋ ءۇشىن جەدەل-ىزدەستىرۋ ءىس-شارالارى جۇرگىزىلۋدە»، - دەدى ۆەدومستۆودان.
وسى رەتتتە، اقمولا وبلىسىنىڭ پوليتسيا دەپارتامەنتى جارىلعىش زات تۋرالى كورىنەۋ جالعان حابار بەرگەن ادامنىڭ قىلمىستىق جاۋاپقا تارتىلاتىنىن ەسكەرتەدى.
ايتا كەتسەك، بۇدان بۇرىن بۋرابايداعى كازينودا پوليتسەيلەر بومبا ىزدەپ جاتقاندىعىن جازعان ەدىك.