دەمالىس كۇندەرى اۋا رايى 38 گرادۋسقا دەيىن سۋىتادى

استانا. قازاقپارات - دەمالىس كۇندەرى قازاقستان اۋماعىنىڭ باسىم بولىگىنە اركتيكالىق سالقىن اۋاعا تولى سولتۇستىك انتيتسيكلون ىقپال ەتەدى، سول سەبەپتى ەلىمىزدىڭ سولتۇستىك-باتىسىندا، سولتۇستىگىندە، ورتالىعى مەن شىعىسىندا اۋا تەمپەراتۋراسىنىڭ كۇرت تومەندەۋى مۇمكىن، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

«اتموسفەرالىق اعىنداردىڭ وتۋىمەن 26- قاراشادا شىعىستا، 26-28- قاراشادا رەسپۋبليكانىڭ وڭتۇستىگى مەن وڭتۇستىك-شىعىسىندا اۋا رايى قۇبىلمالى بولادى، قار، جاۋىن-شاشىن بولۋى مۇمكىن. 26- قاراشادا شىعىستا، 26-27- قاراشادا وڭتۇستىك-شىعىستا قالىڭ قار جاۋادى. رەسپۋبليكا بويىنشا تۇمان ءتۇسىپ، شىعىستا، وڭتۇستىكتە جانە وڭتۇستىك-شىعىستا جەل 15-28 م/س- كە دەيىن كۇشەيەدى، شىعىستا بۇرقاسىن، وڭتۇستىكتە جانە وڭتۇستىك-شىعىستا كوكتايعاق بولادى.

تۇندە باتىستا اۋا تەمپەراتۋراسى 5-15 گرادۋسقا دەيىن تومەندەيدى، اۋا تەمپەراتۋراسىنىڭ كۇرت تومەندەۋى 26-27- قاراشادا سولتۇستىك-باتىستا - 20-30 گرادۋسقا دەيىن، سولتۇستىكتە - 23-36 گرادۋسقا دەيىن، ورتالىقتا - 17-34 گرادۋسقا دەيىن، 27-28- قاراشادا شىعىستا - 27-38 گرادۋسقا دەيىن، 27-28- قاراشادا - اۋا تەمپەراتۋراسىنىڭ تومەندەۋى، وڭتۇستىكتە، وڭتۇستىك- شىعىستا 5-15 كە دەيىن، تاۋلى اۋدانداردا-15-20 گرادۋسقا دەيىن تۇسەدى»، - دەلىنگەن حابارلامادا.