«ەلوردادا 100 جاڭا ەلەكتر اۆتوبۋسى پايدا بولادى. وسى ورايدا اۆتوبۋس تاپشىلىعىن قىسقارتىپ، جىلجىمالى قۇرامدى جايلى اۆتوبۋستارمەن جاڭارتامىز. اۆتوبۋستاردىڭ ءجۇرۋ ينتەرۆالى قىسقارتىلادى، ياعني ايالدامالاردا اۆتوبۋستاردىڭ كۇتۋ ۋاقىتى دا قىسقارادى»، - دەدى يگەنبەردينوۆ.
بەلگىلى بولعانداي، جىل سوڭىعا دەيىن 50 ەلەكتروبۋس قالا كوشەلەرىنە شىعادى، قالعان الداعى جىلى جەتكىزىلەدى.
ونىڭ سوزىنە قاراعاندا، 12 مەترلىك اۆتوبۋستار تومەن ەدەندى بولىپ كەلەدى جانە 350 شاقىرىم جول قورى بار ليتي- تەمىر- پوليمەرلى باتارەيامەن جابدىقتالعان. باتارەيانىڭ قىزمەت ەتۋ مەرزىمى 10 جىلدى قۇرايدى. باتارەياعا كەپىلدىك - 7 جىل، ەلەكترقوزعالتقىشقا - 5 جىل.
جايلى بولۋى ءۇشىن ەلەكتروبۋستار قوسىمشا جابدىقتالعان، بۇل ونىڭ قۇنىنا دا اسەر ەتتى. بازالىق جيىنتىققا مىناداي قاجەتتى جۇيەلەر مەن كومپونەنتتەردىڭ ءتىزىمى قوسىلدى: جول اقىسىن تولەۋدىڭ ەلەكتروندىق جۇيەسى، ديسپەتچەرلەندىرۋ، بەينەباقىلاۋ، اقپاراتتاندىرۋ جۇيەلەرى، قىسقى جيىنتىق، جىلىتۋ جانە باتارەيالارعا ارنالعان جىلىتۋ جۇيەسى، اككۋمۋلياتورلاردى تومەن تەمپەراتۋرادا باسقارۋدىڭ زياتكەرلىك جۇيەسى.
«استانا LRT» باسشىسىنىڭ ايتۋىنشا، بيىلعى اقپان ايىندا نۇر- سۇلتان قالاسىنداعى اۆتوبۋس پاركى وتاندىق ءوندىرىستىڭ ەلەكتروبۋسىن سىناقتان وتكىزدى. تەستىلەۋ قىس كەزەڭى (℃38-) ەڭ تومەنگى تەمپەراتۋرا كەزىندە جۇرگىزىلدى. ەلەكتر ەنەرگياسىنىڭ شىعىنى 1 ك م- گە 0,91 كۆت قۇرادى. «سارى ارقا اۆتوپروم» ج ش س اتىراۋ اۆتوبۋس پاركىمەن بىرلەسىپ باتىس ءوڭىردىڭ كليماتتىق جاعدايلارىندا سىناق جۇرگىزدى، سونداي- اق ەلەكتروبۋس باتارەيالارىن نۇر- سۇلتان - قوستاناي - نۇر- سۇلتان باعدارى بويىنشا ۇزاق قاشىقتىققا پايدالانۋ كەزىندە سىناقتان وتكىزدى.
«سىناق قورىتىندىسى بويىنشا ەلەكتروبۋس وڭ ناتيجە كورسەتتى. تەستىلەۋ اياسىندا ەلەكتروبۋستىڭ قاجەتتى جيناقتالىمى قالىپتاستىرىلىپ، قالالىق باعىتتاردا پايدالانۋ ءۇشىن بارلىق قاجەتتى جاعدايلار ەسكەرىلدى»، - دەدى ول.
يگەنبەردينوۆ اتاپ وتكەندەي، اتالعان قوعامدىق كولىكتەر ۇلتتىق ليزينگ وپەراتورى «ق د ب- ليزينگ» ا ق ارقىلى اۆتوبۋس پاركىن وتاندىق ءوندىرىس تەحنيكاسىمەن جاڭارتۋ بويىنشا مەملەكەتتىك باعدارلاما اياسىندا ساتىپ الىنادى. ليزينگ مەرزىمى جىلدىق 7 پايىزدىق سىياقى مولشەرلەمەسىمەن 7 جىلدى قۇرايدى.
«بۇل قازاقستانداعى ليزينگتىك مامىلەلەر ءۇشىن ەڭ تومەنگى مولشەرلەمە. ايتا كەتەرلىگى، ليزينگتىك قارجىلاندىرۋ تەڭگەمەن جۇرگىزىلەدى، بۇل قازىرگى جاعدايدا تۇراقتىلىققا كەپىلدىك بەرەدى. »، - دەدى «استانا LRT» باسشىسى.
ونىڭ اتاپ وتۋىنشە، جەتكىزۋشىنى تاڭداۋ كەزىندە ەلەكتروبۋستاردىڭ الەمدىك نارىعىنا تالداۋ جۇرگىزىلدى. مىسالى، فرانسۋزدىق 12 مەترلى Heuliez Bus GX 337 Electric ەلەكتروبۋسىنىڭ ەڭ تومەنگى قۇنى 460000 ەۋرودان نەمەسە نەمىس MAN Lion's City E - كولىگى 580000 ەۋرودان، نەمىس Mercedes eCitaro كولىگى 510000 ەۋرودان باستالادى. سونىمەن قاتار، ەلەكتروبۋس باتارەيالارىنىڭ ءتۇرى مەن كولەمى بويىنشا ايىرماشىلىعى بار ەكەنىن، بۇل ولاردىڭ قۇنىنا تىكەلەي اسەر ەتەتىنىن نازارعا العان ءجون.
ءونىم بەرۋشىنى تاڭداۋداعى تاعى ءبىر ماڭىزدى فاكتور - ول كونكۋرس جاريالانعان كەزدە، ياعني 2019 -جىلعى 28 - ماۋسىمدا، وتاندىق تاۋار ءوندىرۋشى بولۋى ءتيىس. وسى ورايدا «سارى ارقا اۆتوپروم» كومپانياسى بارلىق قاجەتتى تالاپتارعا ساي بولدى، ونىڭ Yutong ZK6128BEVG ەلەكتروبۋسىنىڭ 1 بىرلىگىنىڭ قۇنى 146712333 تەڭگە، بۇل بۇگىنگى كۇنگى باعام بويىنشا شامامەن 388 مىڭ ا ق ش دوللارىن قۇرايدى.
اۆتور رۋسلان عابباسوۆ