اعىمداعى جىلدىڭ وتكەن كەزەڭىندە ت ج ك جەدەل- قۇتقارۋ جاساقتارىنىڭ قۇتقارۋشىلارى 657 ادامدى، ونىڭ ىشىندە 167 بالانى قۇتقاردى، 119 ادامعا، ونىڭ ىشىندە 32 بالاعا دارىگەرگە دەيىنگى مەديتسينالىق كومەك كورسەتىلدى.
قابىلدانعان شارالارعا قاراماستان، كورسەتىلگەن كەزەڭدە ەلىمىزدىڭ سۋ ايدىندارىندا 387 ادام سۋعا باتتى، ونىڭ ىشىندە 99 ى بالا.
بارىنشا كوپ قازا بولعاندار الماتى، شىعىس قازاقستان، وڭتۇستىك قازاقستان، اقمولا، قىزىلوردا، باتىس قازاقستان جانە سولتۇستىك قازاقستان وبلىستارىندا تىركەلدى.
ادامداردىڭ سۋدا قازا بولۋلارىنىڭ باستى سەبەپتەرى قاۋىپسىزدىك ەرەجەلەرىن بۇزۋ جانە سۋ ايدىندارىنىڭ جابدىقتالماعان ۋچاسكەلەرىندە سۋعا شومىلۋ، سونداي-اق ەلىمىزدىڭ شىعىس، باتىس جانە وڭتۇستىك وڭىرلەرىندە تىركەلگەن انومالدى ىستىق اۋا رايى بولىپ تابىلادى.
ت ج د اۋماقتىق بولىمشەلەرى كۇن سايىن سۋ ايدىندارىنداعى قايعىلى وقيعالاردىڭ الدىن الۋ بويىنشا پروفيلاكتيكالىق جۇمىستار جۇرگىزەدى. بارلىق جەرلەردە بالالارمەن تانىمدىق شارالار، ينتەراكتيۆتى ساباقتار وتكىزىلەدى، تۇرعىندار جانە بالىقشىلارمەن اڭگىمەلەسۋلەر مەن دارىستەر جۇرگىزىلەدى. پروفيلاكتيكالىق جۇمىستارعا بۇقارالىق اقپارات قۇرالدارى قوسىلادى.
قالا جاعاجايلارىندا «سۋداعى ءجۇرىس- تۇرىس ەرەجەلەرى»، «سۋدا زارداپ شەككەن ادامدارعا العاشقى مەديتسينالىق كومەك كورسەتۋ» تاقىرىپتارى بويىنشا 500 دەن اسا كورنەكى ستەند ورناتىلدى.
ەلىمىزدىڭ سۋ ايدىندارىنىڭ جابدىقتالماعان جانە قاۋىپتى ۋچاسكەلەرىندە «سۋعا تۇسۋگە تىيىم سالىنادى» دەگەن 555 تىيىم سالاتىن بەلگى ورناتىلدى.
سۋ ايدىندارى ماڭىندا ورنالاسقان بالالار دەمالاتىن لاگەرلەرگە جوعارى كوڭىل بولىنۋدە، ت ج د ءبىلىم بەرۋ، دەنساۋلىق ساقتاۋ باسقارمالارىمەن، اكىمدىكتەرمەن بىرلەسىپ، بالالاردىڭ سۋداعى قاۋىپسىزدىگى بويىنشا ءىس- شارالار كەشەنىن جۇرگىزۋدە.
ەلىمىزدىڭ سۋ ايدىندارىندا ادامداردىڭ قازا بولۋىنا جول بەرمەۋ ماقساتىندا كوميتەتتىڭ اۋماقتىق بولىمشەلەرى ىشكى ىستەر دەپارتامەنتتەرىمەن بىرگە دەمالىس جانە مەرەكە كۇندەرى سۋدا جاپپاي دەمالۋ ورىندارىندا دەمالۋشى ادامدارمەن قوعامدىق جەرلەردەگى ءجۇرىس- تۇرىس ەرەجەلەرىن بۇزۋعا جول بەرمەۋ بويىنشا رەيدتەر، سونداي- اق اسا قاۋىپتى اكۆاتوريلەردە پاترۋلدەۋ جۇمىستارىن جۇرگىزۋدە، ونىڭ بارىسىندا حالىقپەن سۋ ايدىندارىنداعى قاۋىپسىزدىك شارالارى تۋرالى الدىن الۋ اڭگىمەلەرى، دارىستەرى جۇرگىزىلەدى.
بالالاردىڭ سۋداعى ءولىمىن بولدىرماۋ ءۇشىن، قۇتقارۋ بولىمشەلەرىنىڭ قىزمەتكەرلەرى بالالارعا ءجۇزۋدى ۇيرەتۋ بويىنشا جۇمىس جۇرگىزدى. بالالار ءبىلىم بەرەتىن جانە سپورت مەكەمەلەرىندەگى حاۋىزداردا ۇيرەتىلدى. 2015 -جىلدىڭ وتكەن كەزەڭىندە 4000 نان اسا بالاعا ءجۇزۋدى ۇيرەتۋ ۇيىمداستىرىلدى. وسى باعىتتاعى جالعاسۋدا.