كوكشەتاۋدا جىلدامدىقتى شامادان تىس اسىرعان 386 اۆتوكولىك جۇرگىزۋشىسىنە ايىپپۇل سالىندى
پوليتسەيلەردىڭ مالىمەتى بويىنشا، قازىرگى كەزدە قالا اۋماعىندا جول قوزعالىسىن باقىلايتىن 3 كومپلەكتى «ينتەگرا» ينتەللەكتۋالدى جۇيەسى ورناتىلعان. ولار گوركيي كوشەسىنىڭ ءۋاليحانوۆ، اۋەلبەكوۆ جانە اۋەزوۆ كوشەلەرىمەن قيلىسار تۋسىنا قويىلعان.
ال كومپلەكتى يس «ينتەگرا» جۇيەسى مەن جىلدامدىقتى ولشەگىش قۇرالى ءۋاليحانوۆ كوشەسىنىڭ كەنەسارى، يۋبيلەيننىي كوشەلەرىمەن قيلىسار تۇسى جانە ابىلايحان داڭعىلىندا ورناتىلعان. سونىمەن قاتار جول- پاترۋلدىك پوليتسياسىمەن ءجۇرىپ كەلە جاتقان كولىكتىڭ جىلدامدىعىن ولشەپ، بىردەن فوتو، بەينە سۋرەتكە تۇسىرەتىن موبيلدى اسپاپتا ءجيى قولدانىلادى.
«ستاتيستيكالىق مالىمەتتەرگە قاراعاندا ءاربىر جول- كولىك وقيعاسى جىلدامدىقتى شامادان تىس اسىرعاننان بولاتىنىن ەسكەرسەك، اتالعان قۇرال- جابدىقتار تەمىر تۇلپارلارىنا قامشى باسقان جۇرگىزۋشىلەردى انىقتاپ، زاڭ الدىنا جاۋاپقا تارتۋعا كومەكتەسەدى»، - دەيدى پوليتسەيلەر.
بۇگىنگى كۇنى كوكشەتاۋ قالاسىندا جىلدامدىقتى شامادان تىس اسىرعان 368 جۇرگىزۋشىگە بارلىعى 7 ميلليوننان استام تەڭگە كولەمىندە ايىپپۇل سالىنعان. ونىڭ ىشىندە 2 ميلليوننان استام تەڭگەنىڭ 145 ۇيعارىم ءوندىرىلىپ الىندى.
اۆتور: اسلان وسپانوۆ