بۇل اقپاراتتى بۇگىن ونلاين بريفينگ بارىسىندا قالانىڭ باس سانيتارلىق دارىگەرى جانداربەك بەكشين جاريالادى، دەپ حابارلايدى قازاقپارات ءتىلشىسى.
ونىڭ ايتۋىنشا، كوبىنەسە ينفەكتسيانى 20-29 جاستاعى جۇمىسقا قابىلەتتى ادامدار جۇقتىرعان. «بۇگىندە بۇل ۆيرۋستان ەڭ از جاپا شەككەندەردىڭ قاتارىندا پوليتسيانى ايتۋعا بولادى. بلوكپوستتاعى ءبىر پوليتسيا قىزمەتكەرى جۇقتىرعان. جالپى قالادا 693 جاعداي تىركەلدى. 100 مىڭ ادامعا شاققاندا اۋرۋ كورسەتكىشى %33,9، ادام ءولىمى - 0,7% بولىپ وتىر» ، - دەدى ول.
ونىڭ ايتۋىنشا، 10 وقۋشى، 40 ستۋدەنتتەن، شەتەلدەن كەلگەن 38 ادامنان، ۇ ق ك شەكارا قىزمەتى اكادەمياسىنىڭ 67 كۋرسانتىنان، 2 اۆياتسيا قىزمەتكەرىنەن، 40 زەينەتكەردەن، 55 جۇمىسسىز ادامنان، 383 مەديتسينا قىزمەتكەرىنەن كوروناۆيرۋس ينفەكتسياسى تابىلعان. سونداي- اق، جانداربەك بەكشين باسقارىپ وتىرعان دەپارتامەنتتىڭ 7 قىزمەتكەرى ۆيرۋس جۇقتىرعانى انىقتالدى. 0-14 جاس ارالىعىندا - 21 جاعداي، 15-19 جاس ارالىعىندا - 43, 20-29 جاس ارالىعىندا – 212، 30-39 جاس ارالىعىندا – 129، 40-49 جاس ارالىعىندا - 116, 50-59 جاس ارالىعىندا – 115، 60 جاستان جوعارى - 42 جاعداي تىركەلگەن.