قىتايلىق جالعان حانشايىم ادامداردى 380 مىڭ دوللارىن الداپ العانى ءۇشىن 13,5 جىلعا بوستاندىعىنان ايىرىلدى
بۇل تۋرالى «شينحۋا» حابارلادى.
حىنان پروۆينسياسىنىڭ 49 جاستاعى فەرمەرى (تەگى ۋاڭ) جاپا شەگۋشىلەرگە ءوزىن شيڭ (1644-1911) اۋلەتىنىڭ ۇرپاعى چانپين حانشايىم رەتىندە تانىستىرعان. 2013 -جىلدىڭ اقپانىنان 2014 -جىلدىڭ شىلدەسىنە دەيىن الاياق وعان سەنگەن ادامداردان قارىزعا اقشا العان. ول جاپا شەگۋشىلەرگە بۇل قاراجاتتى قۇنى 175 ميلليارد يۋاندى قۇرايتىن «جانۇياسىنا تيەسىلى» باعالى زاتتاردى الۋ ءۇشىن شەنەۋنىكتەرگە پارا بەرۋ ءۇشىن العاندىعىن ايتقان. سونداي-اق ول قارىزعا العان اقشاسىن ءۇش ەسە ارتىق سومامەن قايتاراتىنىنا ءسوز بەرگەن.
ونىڭ سىبايلاسى 47 جاستاعى سيان قالاسىنىڭ جۇمىسسىز تۇرعىنى 12 جىلعا بوستاندىعىنان ايىرىلدى. ءتىنتۋ كەزىندە الاياقتاردىڭ ۇيىنەن جالعان التىن قۇيمالار، جالعان دوللار مەن وزدەرى جاساعان قازىنا كارتالارىن تاپتى. بۇل زاتتاردى ولار الدانعان ادامداردىڭ سەنىمىنە كىرۋ ءۇشىن كورسەتكەن.