17- جەلتوقساندا پوليتسياعا كەڭدالا اۋىلىنىڭ شەتىندە ەر ادامنىڭ ءمايىتى تابىلعاندىعى تۋرالى حابارلاما تۇسكەن.
«ىزدەۋ جۇمىستارى كەزىندە، 18- جەلتوقسان كۇنى ساعات 4:00 شاماسىندا كەڭدالا اۋىلىنىڭ شەتىندەگى اينالما جولدىڭ بويىنان، 1200 مەتر قاشىقتىقتا ازامات س- نىڭ دەنەسى تابىلدى. تەكسەرۋ كەزىندە دەنەسىنىڭ ءار جەرىنەن 37 پىشاق جاراقاتى بارى انىقتالدى. سول ماڭنان مارقۇمنىڭ كولىگى دە تابىلدى»، - دەپ حابارلادى ۆەدومستوۆادان.
بەلگىلى بولعانىنداي، كۇدىكتى قىلمىستى الدىن الا جانە مۇقيات ويلاستىرىپ قويعان. شابۋىل جاساۋشى ءبىر رەتتىك ابونەنتتىك ءنومىردى، ۇيالى تەلەفوندى پايدالانعان، ادام ولتىرۋگە بولاتىن تىنىش جەردى تاڭداعان.
«كىسى ءولتىردى دەگەن كۇدىكتى 24 -جەلتوقسان كۇنى كەشكە الماتىداعى سەيفۋللين كوشەسىندە «مەگا» ساۋدا ورتالىعى عيماراتىنا قاراما- قارسى جەردە ۇستالدى. ۇستالعان ج. كىسى ءولتىرۋدى قاساقانا جاساعانىن مويىندادى»، - دەلىنگەن پوليتسيا حابارلاماسىندا.
كۇدىكتى تالعار اۋداندىق پوليتسيا باسقارماسىنىڭ ۋاقىتشا تەرگەۋ يزولياتورىنا قامالدى. قىلمىس كەزىندە كيگەن قان ىزدەرى بار كيىمى مەن باكى تاركىلەندى. وزگە اقپارات تەرگەۋ مۇددەسىنە قاراي جاريا ەتۋگە جاتپايدى.
اۆتور
الما مۇقانوۆا