Transparency International - سىبايلاس جەمقورلىقتى زەرتتەۋ جانە وعان قارسى كۇرەس جونىندەگى ۇكىمەتتىك ەمەس حالىقارالىق ۇيىم. 0-دەن 100 بالعا دەيىنگى شكالا بويىنشا 0 - سىبايلاس جەمقورلىقتىڭ جوعارى دەڭگەيى، ال 100 جەمقورلىقتىڭ جوقتىعىن كورسەتەدى.
قازاقستان 37 بالل جينادى، بۇل 2020 -جىلمەن سالىستىرعاندا 1 بالعا تومەن.
بىردەن ءۇش ەل جەتەكشى ورىنعا يە بولدى: دانيا، فينليانديا جانە جاڭا زەلانديا، ولار 88 ۇپاي جينادى. توپ-10 ەلدىڭ قاتارىنا نورۆەگيا، سينگاپۋر جانە شۆەتسيا (85 باللدان)، ودان كەيىن شۆەيساريا (84 بالل)، نيدەرلاندى (82 بالل)، ليۋكسەمبۋرگ (81 بالل) جانە گەرمانيا (80 بالل) كىردى.
ت م د ەلدەرى اراسىندا قازاقستانعا قاراعاندا ارمەنيا (58-ورىن جانە 49 بالل) جانە بەلارۋس (82-ورىن جانە 41 بالل) پوزيتسيالارى جاقسى. قالعان ەلدەردە سىبايلاس جەمقورلىق دەڭگەيى ق ر- عا قاراعاندا جوعارى.
اتاپ ايتقاندا، ۋكراينا 122-ورىندى (32 بالل)، ال رەسەي 136-ورىندى (29 بالل) يەلەندى. كورشىلەس وزبەكستان (28 بالل) جانە قىرعىزستان (27 بالل) سايكەسىنشە 140 جانە 144 ورىنعا شىقتى.
2021 -جىلى سىبايلاس جەمقورلىقتى قابىلداۋ يندەكسى رەيتينگىندە 11 بالمەن ەڭ سوڭعى 180-ورىندى وڭتۇستىك سۋدان يەلەندى.
Transparency International مالىمەتتەرى بويىنشا، ق ر- دا مەملەكەتتىك قىزمەتتەردى پايدالانۋشىلاردىڭ % 17- ى سوڭعى 12 ايدا پارا بەرگەن. سالىستىرۋ ءۇشىن: بەلارۋستە بۇل كورسەتكىش تەك % 15- دى قۇرادى، ال ۋكراينا مەن رەسەيدە — سايكەسىنشە %23 جانە %27.
ايتا كەتۋ كەرەك، قازاقستانداعى سىبايلاس جەمقورلىق قىلمىستارىنىڭ سانى ءبىر جىلدىڭ ىشىندە تورتتەن ءبىر ەسەگە ارتتى. 2021 -جىلدىڭ سوڭىندا قازاقستاندىقتاردىڭ سىبايلاس جەمقورلىققا قارسى قىزمەتكە دەگەن سەنىم دەڭگەيى شامالى بولسا دا ءوستى: بۇل قىزمەتكە سەنۋگە بولادى دەگەن پىكىرمەن تولىق كەلىسەتىندەردىڭ ۇلەسى ءبىر جىل ىشىندە % 24,5- دان % 25,1- عا دەيىن ءوستى، ال بۇل پىكىرمەن كەلىسپەيتىندەردىڭ ۇلەسى بۇرىنعىشا قالدى - % 1,8.
Transparency International اتاپ وتۋىنشە، سىبايلاس جەمقورلىققا قارسى ءىس- قيمىل اگەنتتىگى ءوز نازارىن اۋىل شارۋالىشىعى جانە دەنساۋلىق ساقتاۋ سالاسىنا اۋدارعان. ءىرى سالالار، سونىڭ ىشىندە مۇناي- گاز، قارجى جانە قۇرىلىس سالالارىنا كوڭىل بولمەي كەلەدى.
اۆتور: اقبوپە ءابدراسۋل