ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قىركۇيەك ايىنىڭ باسىندا پوليتسياعا حابارلاسقان ازامات تارباعاتاي اۋدانىندا ەركىن جايىلىمنان 36 باس جىلقىسىنىڭ ۇرلانعانىن ايتتى.
اتالعان فاكتى بويىنشا بىردەن جەدەل-تەرگەۋ توبى قۇرىلعان.
«22- قىركۇيەكتە زايسان اۋدانىنىڭ اۋماعىندا ۇرلانعان مالدىڭ جۇرگەن جەرى انىقتالىپ، ول جابىرلەنۋشىگە قايتارىلعان. كوپ ۇزاماي وسىعان جانە باسقا دا ۇقساس قىلمىستارعا 63 جاستاعى ەر ادامنىڭ قاتىسى بار ەكەندىگى بەلگىلى بولدى. الايدا زايسان اۋدانىنىڭ تۇرعىنى ءتارتىپ ساقشىلارىنان جاسىرىنعان. 5- قازاننان باستاپ وعان مەملەكەتارالىق ىزدەۋ جاريالاندى»، - دەلىنگەن اقپاراتتا.
ىزدەستىرۋ شارالارىن وتكىزۋ بارىسىندا استانا قالاسىنىڭ پوليتسەيلەرى اتالعان ازاماتتى ۇستادى. قازىرگى ۋاقىتتا كۇدىكتى ەلورداداعى تەرگەۋ يزولياتورىنا قاماۋعا العان.
«كۇدىكتى 2018-2022-جىلدار ارالىعىندا تارباعاتاي اۋدانىنىڭ اۋماعىندا 6 رەت مال ۇرلاعان. بۇگىندە جابىرلەنۋشىلەرگە بۇرىن ۇرلانعان 70 باس مال قايتارىلدى. ق ر ق ك 188-بابى بويىنشا سوتقا دەيىنگى تەرگەۋ امالدارى جۇرگىزىلۋدە»، - دەلىنگەن حابارلامادا.