پاۆلودار وبلىسىندا تابىنشى 2017-2020 -جىلدار ارالىعىندا 36 باس جىلقى ۇرلادى دەگەن كۇدىككە ءىلىنىپ، ۇستالدى.
«پاۆلودار وبلىسىندا 2017-2020 -جىلدار ارالىعىندا جەكە پايدا ءتۇسىرۋ ماقساتىندا جانە پايداكۇنەمدىك نيەتپەن ەرتىس اۋدانى اعاشورىن اۋىلىنىڭ ەركىن جايىلۋىنان 36 باس جىلقى ۇرلاعان اۋىل تۇرعىنى انىقتالىپ، ۇستالدى. بۇدان باسقا، تابىنشى كەيبىر مال يەلەرىنە مالىنىڭ ولگەنىن حابارلاماي، اقىسىن الۋدى جالعاستىرا بەرگەن»، - دەپ حابارلادى پاۆلودار وبلىستىق پوليتسيا دەپارتامەنتى باستىعىنىڭ ورىنباسارى راشاد وتەۋوۆ.
اتالعان فاكتىلەر بويىنشا قازىرگى ۋاقىتتا قازاقستان رەسپۋبليكاسى ق ك 190-بابى 1- ءبولىمى (الاياقتىق) جانە 188-1-بولىگى 3- ءبولىمى (مال ۇرلاۋ) بويىنشا سوتقا دەيىنگى تەرگەۋ ءجۇرىپ جاتىر. ەر ادام 2017-2020 -جىلدار ارالىعىندا 13 ۇرلىق فاكتىسىن جاسادى دەپ كۇدىككە ءىلىندى.