بەس جىلدا ءتىلىمىز 36 پايىزعا ءوستى
«مەملەكەتتىك تىلدە ءىس-جۇرگىزۋدىڭ سالىستىرمالى كولەمى رەسپۋبليكا بويىنشا 2008 - جىلى - 50 پايىز بولسا، 2011 - جىلى - 82 پايىزعا، 2012 -جىلى - 84,6 پايىزعا جەتتى.
2013 - جىلى جالپى مەملەكەتتىك تىلدەگى قۇجات اينالىمى 86 پايىزدى قۇرادى»، - دەلىنگەن كوميتەتتىڭ بەيسەنبىدە قازتاگ اگەنتتىگىنە بەرگەن جازباشا جاۋابىندا.
سونداي-اق كوميتەتتە، مەملەكەتتىك تىلدە ءىس-جۇرگىزۋ بويىنشا ەڭ تومەنگى كورسەتكىش الماتى قالاسىندا ەكەنى ايتىلعان. بۇل رەتتە استانادا ءىس-جۇرگىزۋدە قازاق ءتىلىنىڭ قولدانىلۋى 99 پايىز قۇراپ وتىر.
2013 - جىلعى رەيتينگ قورىتىندىسى بويىنشا كوش باستاپ تۇرعاندار وڭتۇستىك قازاقستان وبلىسى (100)، قىزىلوردا (99,9)، اتىراۋ (99,5)، پاۆلودار (99,1)، استانا (99)، الماتى وبلىسى (99).
2014 - جىلدان باستاپ ۇلتتىق جانە مەملەكەتتىك كومپانيالاردا اتتەستاتاۋدان ءوتۋ كەزىندە مەملەكەتتىك ءتىلدى مەڭگەرۋى دەڭگەيىن انىقتاۋ ءۇشىن قازتەست باعدارلاماسى بويىنشا تەستىلەۋدەن ءوتۋ مىندەتتەلگەندىگى جانە قازىرگى تاڭدا قانشا ازامات وسى تەستتەن ءوتتى دەگەن قازتاگ سۇراعىنا كوميتەتتە «قازىرگى تاڭدا 30 مىڭداي ادام ءوتتى» دەپ جاۋاپ بەرگەن.
«تەستىلەنۋشىلەردىڭ ماقساتتى توبى - مەملەكەتتىك قىزمەتشىلەر، ازاماتتىق قىزمەتكەرلەر، كۇش قۇرىلىمدارى قىزمەتكەرلەرى، وقۋ ورىندارىنىڭ قىزمەتكەرلەرى، مەملەكەتتىك قىزمەتتىڭ اكىمشىلىك لاۋازىمدارىنا ۇمىتكەرلەر، حالىقارالىق ءبىلىم باعدارلاماسى مەن تاعىلىمدامالارعا ۇمىتكەرلەر جانە ت. ب. »، - دەلىنگەن جاۋاپتا.
دۋاناباي جولداسبەك
«ايقىن»