جاپونيادا ساعاتىنا 360 كيلومەتر جىلدامدىقپەن جۇرەتىن پويىزدىڭ پروتوتيپىن كورسەتتى
08:26, 12 - اقپان 2019
استانا. قازاقپارات - JR East كومپانياسى جاڭا ALFA- X جۇردەك پويىزىنىڭ پروتوتيپىن كورسەتتى، دەپ حابارلايدى Sankei گازەتى.
پويىز قۇرامى 10 ۆاگونعا ەسەپتەلگەن. مۇنداعى باستى جاڭا ەنگىزىلىم - پويىز «تۇمسىعى» ۇزىندىعىنىڭ 22 مەترگە جەتۋى.
بۇل جاڭا قۇراستىرىلىم قاجەتتى جىلدامدىقتى قامتاماسىز ەتىپ جانە سالونداعى جولاۋشىلاردىڭ تىنىشتىعىن ساقتاۋعا، سونداي-اق توننەلدەردەگى قىسىمدى تومەندەتۋگە اسەر ەتۋى ءتيىس.
قۇرامدى ازىرلەۋشىلەر مۇنىمەن توقتاپ قالماق ەمەس. ولار سىناق كەزىندە جىلدامدىقتى ساعاتىنا 400 شاقىرىمعا جەتكىزۋدى جوسپارلاپ وتىر.