دەمالىس كۇندەرى 35 گرادۋسقا دەيىن ىستىق بولادى
13:56, 13 - مامىر 2022
نۇر-سۇلتان. قازاقپارات - «قازگيدرومەت» ر م ك 14-16-مامىر ارالىعىندا ەل اۋماعىندا قالىپتاساتىن اۋا رايى تۋرالى مالىمەت ۇسىندى، دەپ حابارلايدى قازاقپارات.
«الداعى دەمالىس كۇندەرى قازاقستاننىڭ سينوپتيكالىق جاعدايى سولتۇستىك اتلانتيكالىق سيكلوننىڭ جىلى سەكتورىمەن جانە ونىمەن بايلانىستى اتموسفەرالىق فرونتتاردىڭ وتۋىمەن شارتتالادى.
سولايشا شىعىستا، باتىستا جانە تاۋلى، تاۋ بوكتەرىندەگى اۋدانداردا قاتتى جاڭبىر جاۋىپ، جەل كۇشەيەدى. ءبىراق، بۇعان قاراماستان، تەمپەراتۋرا باعامىندا ايتارلىقتاي اۋىتقۋ كۇتىلمەيدى. ەلىمىزدىڭ باتىسىندا، سولتۇستىگىندە، شىعىسىندا جانە ورتالىعىندا كۇندىز تەرمومەتر 17-25 گرادۋسقا دەيىن، ال ەلدىڭ وڭتۇستىگىندە 18-28-دەن 23-35 گرادۋسقا دەيىن كوتەرىلەدى»، - دەلىنگەن سينوپتيكتەر بولجامىندا.