بۇگىن ق ر يندۋستريا جانە ينفراقۇرىلىمدىق دامۋ مينيسترلىگىندە «QazAvtoJol» ۇ ك» ا ق مەن «Compass» ج ق س جەلىلەرى كومپانياسى اراسىندا جول بويىنداعى قىزمەتتى دامىتۋ سالاسىنداعى ىنتىماقتاستىق جانە ءوزارا ءىس-قيمىل تۋرالى كەلىسىمشارتقا قول قويىلدى.
بۇل - ق ر پرەزيدەنتى قاسىم-جومارت توقايەۆتىڭ رەسپۋبليكالىق ماڭىزى بار جولداردى 2025 -جىلعا دەيىن ساپالى قىزمەتپەن قامتاماسىز ەتۋ جونىندەگى تاپسىرماسىن ورىنداۋ ماقساتىندا جۇزەگە اسىرىلۋدا.
«قۇجات رەسپۋبليكالىق ماڭىزى بار اۆتوموبيل جولدارىنىڭ بويىندا قىزمەت كورسەتەتىن زاماناۋي 35 كەشەننىڭ قۇرىلىسىن قاراستىرادى. كەشەن جانارماي قۇيۋ ستانتسياسى، اۋىر جۇكتى تاسىعىش كولىكتەر مەن اۆتوبۋستارعا ارنالعان كەڭ پاركينگ الاڭى، 80 ورىنعا لايىقتالعان فۋد- كورت، تاۋارلار مەن اۆتوبۇيىمداردىڭ كەڭ اسسورتيمەنتى ۇسىنىلعان Express Market-پەن جابدىقتالاتىن بولادى.
جوبا 4200 ادامدى تۇراقتى جۇمىس ورنىمەن قامتىماق. ينۆەستيتسيالاردىڭ جالپى مولشەرى 30 ميلليارد تەڭگەنى قۇرايدى. الەمدىك ۇزدىك تاجىريبەنى قولدانا وتىرىپ، قازاقستاندىق «Compas» برەندى كوپفۋنكتسيونالدى قىزمەت سالاسىندا جوعارى ناتيجەلەرگە قول جەتكىزىپ، نۇر-سۇلتان، الماتى، اقتوبە جانە قىزىلوردا قالالارىندا 11 كەشەندى تۇرعىزدى. مينيسترلىك پەن ۇلتتىق وپەراتور ءوز تاراپىنان جول بويىندا قىزمەت كورسەتەتىن اتالمىش نىسانداردىڭ قۇرىلىسىن جۇرگىزۋدە، ولاردىڭ الاڭدارىنا ودان ءارى قىزمەت كورسەتۋدە قولداۋ تانىتۋعا دايىن»، - دەلىنگەن مينيسترلىك اقپاراتىندا.
كەلىسىمشارتقا قول قويۋ شاراسىنا مينيستر بەيبىت اتامقۇلوۆ قاتىستى.