و س ك ءتوراعاسىنىڭ ورىنباسارى كونستانتين پەتروۆتىڭ ايتۋىنشا، اتالعان ارالىقتا سايلاۋ كوميسسياسىنا 9 بىرلەستىكتەن باسقا 35 ءوتىنىش كەلىپ تۇسكەن.
«29 ءوتىنىش جەكە تۇلعالاردان ءتۇستى، ونىڭ بىرەۋى - ازاماتتار توبىنان، 6 زاڭدى تۇلعالاردان، ونىڭ ىشىندە وڭىرلىك قوعامدىق قوردان كەلىپ ءتۇستى. وتىنىشتەر پوشتا كونۆەرتتەرى، ەلەكتروندىق ۇكىمەت پورتالى، ورتالىق سايلاۋ كوميسسياسىنىڭ ەلەكتروندىق پوشتاسى ارقىلى جانە قولما-قول قابىلداندى»، - دەدى پەتروۆ و س ك وتىرىسىندا.
سيپاتى بويىنشا وتىنىشتەر سايلاۋ پروتسەسىن ۇيىمداستىرۋ (11)، سايلاۋ زاڭناماسى ماسەلەلەرى بويىنشا تۇسىنىكتەمەلەر (12)، تالاپقا ساي كەلمەيتىن سۋبەكتىلەردەن پرەزيدەنتتىككە كانديداتتاردى ۇسىنۋ (12) جونىندە بولعان.
«32 ءوتىنىش بويىنشا ونىڭ يەلەرىنە جاۋاپ بەرىلدى جانە بۇگىن كەلگەن ءبىر ءوتىنىش قاراستىرىلىپ جاتىر. ورتالىق سايلاۋ كوميسسياسىنىڭ قۇزىرىنا جاتپايتىن ەكى ءوتىنىش ءتيىستى ورگاندارعا جىبەرىلدى.
ايتا كەتەيىك، 2019-جىلدىڭ 28- ساۋىرىندە ساعات 18:00 دە ق ر پرەزيدەنتتىگىنە كانديداتتاردى ۇسىنۋ كەزەڭى اياقتالدى.
ناتيجەسىندە پرەزيدەنتتىك سايلاۋعا قاتىسۋ ءۇشىن 9 رەسپۋبليكالىق قوعامدىق بىرلەستىكتىڭ، ونىڭ ىشىندە 4 ساياسي پارتيانىڭ وكىلدەرى ق ر ورتالىق سايلاۋ كوميسسياسىنا ءتيىستى قۇجاتتار وتكىزدى.
ورتالىق سايلاۋ كوميسسياسى ارقىلى ۇمىتكەرلىككە سايكەستىگى انىقتالعان 4 كانديدات قازىرگى ۋاقىتتا قول جيناۋعا كىرىسىپ كەتتى. ولار 12 وبلىستان، رەسپۋبليكالىق ماڭىزى بار قالالاردان جانە استانادان 11 مامىرعا دەيىن كەمىندە 118140 قول جيناۋى قاجەت.
وزگە كانديداتتاردىڭ زاڭناماعا سايكەستىگى الداعى كۇندەرى بەلگىلى بولادى.
ق ر پرەزيدەنتتىگىنە كانديداتتاردى تىركەۋ 2019-جىلدىڭ 11- مامىرىندا ساعات 18:00 دە اياقتالادى.