تەنتەك نەمەرە اجەسىن 35 گرادۋس ايازدا بالكونعا قاماپ قويدى
جولدا كەتىپ بارا جاتقان ادامدار بەس قاباتتى تۇرعىن ءۇيدىڭ ءۇشىنشى قاباتىنىڭ بالكونىنان كومەك سۇراپ جاتقان داۋىستى ەستىگەن. زەينەتكەر ولاردان قۇتقارۋشىلاردى شاقىرۋىن سۇراعان.
«قاراعاندى وبلىستىق ت ج د ءورت ءسوندىرۋ قىزمەتىنىڭ №15 ءورت ءسوندىرۋ جانە اپاتتىق- قۇتقارۋ جۇمىستارى بولىمىنە 65 جاستاعى قاريانى پريشاحتينسك كوشەسىندەگى كوپقاباتتى تۇرعىن ۇيلەردىڭ بىرىندە ءۇشىنىشى قاباتتىڭ بالكونىنا ەكى جاسار نەمەرەسىنىڭ قاماپ قويعانى تۋرالى حابارلاما ءتۇستى» ، - دەپ حابارلادى قاراعاندى وبلىستىق ت ج د باسپا ءسوز قىزمەتى.
ەكى قاۋىپ بولعان - قاريانى ۇسىك شالۋى جانە پاتەردەگى سورپا قايناپ جاتقان گاز پەشىنە ەكى جاسار نەمەرەسى كۇيىپ قالۋى مۇمكىن ەدى.
قۇتقارۋشىلار وقيعا ورنىنا بارىپ، ەسىكتى بۇزىپ كىرىپ، قاريانى قۇتقارعان. دارىگەرلەر زەينەتكەردى قاراپ، ۇسىك شالماعانىن ايتتى.