كانادا ءبىر جىلدا 35 مىڭ بوسقىندى قابىلدادى
07:23, 07 - جەلتوقسان 2016
استانا. قازاقپارات - كانادا وتكەن جىلدىڭ قاراشا ايىنان باستاپ ءبىر جىل ىشىندە 35 مىڭنان استام سيريالىق بوسقىندى قابىلدادى.
بۇل تۋرالى ەلدىڭ سىرتقى ىستەر مينيسترلىگى مالىمدەدى، دەپ حابارلايدى حابار 24 تەلەارناسى. قۇزىرەتتى ورگاننىڭ حابارلاۋىنشا، مۇندا قونىس تەپكەن ميگرانتتاردىڭ جارتىسىنا جۋىعى ليۆاننان كەلگەن.
ايتا كەتكەن ءجون، ناۋرىز ايىندا وسى مەملەكەتتىڭ كوشى-قون جونىندەگى ءمينيسترى دجون ماككاللۋم وتكەن جىلدىڭ اياعىنا دەيىن قابىلدانۋعا ءتيىس 25 مىڭ سيريالىق بوسقىن ورنالاستىرىلعانى تۋرالى مالىمدەگەن بولاتىن.