ق ر سىرتقى ساۋدا پالاتاسى 35 ميلليون ا ق ش دوللارى كولەمىندە ونىمدەر ەكسپورتىن ۇيىمداستىردى
بۇل تۋرالى بۇگىن استانادا وتكەن باسپا ءسوز ءماسليحاتىندا اتالعان پالاتانىڭ باسقارما ءتوراعاسى مەيىربەك ءماجيتوۆ ءمالىم ەتتى.
«ءبىرىنشى توقساننىڭ ناتيجەسى بويىنشا سىرتقى ساۋدا پالاتاسى قازاقستان مەن يراننىڭ، مىسىردىڭ ىسكەر توپتارىنىڭ قاتىسۋىمەن ءۇش ماڭىزدى وتىرىس وتكىزدى. سونىمەن قاتار رەسەيگە، يرانعا، اۋعانستانعا جانە تاجىكستانعا 6 ساۋدا- ەكونوميكالىق ميسسيالار ۇيىمداستىرىلدى. بۇل شارالارعا 400-دەن استام وتاندىق كاسىپكەرلەر تارتىلدى»، - دەدى م. ءماجيتوۆ.
ونىڭ سوزىنە قاراعاندا، سانكسيالاردىڭ كۇشى جويىلعاننان كەيىنگى يرانمەن ەكىجاقتى ىنتىماقتاستىقتىڭ العاشقى ناتيجەلەرىنىڭ ءبىرى - ول 30 ميلليون دوللار كولەمىندە ءىرى قارا جانە قوي ەتىن ەكسپورتتاۋعا جاسالعان كەلىسىمشارتقا بايلانىستى بولىپ وتىر.
بۇدان بولەك، اقمولا وبلىسىنىڭ استىعى، اقتوبە وبلىسىنىڭ ۇنى، قىزىلوردا وبلىسىنىڭ كۇرىشى جانە قوستاناي وبلىسىنىڭ كونديتەرلىك ونىمدەرى، سونداي- اق تارازدىق سەمەنت ەلەۋلى كولەمدە تاجىكستانعا ەكسپورتتالادى.
سونىمەن قاتار جاقىندا اۋعانستانمەن ساۋدا- ساتتىق اۋقىمىن كەڭەيتۋ ماقساتىندا كابۋلدا قازاقستاننىڭ العاشقى ساۋدا ءۇيى اشىلدى. وسى ورايدا بيزنەس- قوعامداستىقتاردىڭ ىسكەرلىك كەلىسسوزدەرى ناتيجەسىندە 700 مىڭ ا ق ش دوللارى كولەمىندە ونىمدەرگە شارتتار جاسالدى.
«وسى مۇمكىندىكتەردىڭ بارلىعى سىرتقى ەكونوميكالىق ءىس- قيمىلداردى دامىتۋ ءۇشىن اۋقىمدى الەۋەتتى اشىپ وتىر. بۇل رەتتە وتاندىق كاسىپكەر بۇل مۇمكىندىكتەردى ءتيىمدى پايدالانۋى ءتيىس دەپ ويلايمىن»، - دەپ ءتۇيدى م. ءماجيتوۆ.
اۆتور: رۋسلان عابباسوۆ