ءباسساۋدا دا «پۋتين» 35 مىڭ ەۋروعا ساتىلدى - كەسكىن
لوتتىڭ باستاپقى باعاسى 18 مىڭ ەۋرودان باستالعان. ساتىپ الۋشىنىڭ اتى ازىرگە جاريالانباي وتىر، دەپ حابارلايدى Bnews.kz.
بيىكتىگى 51 سانتيمەترلىك فيگۋرانى ايگىلى شۆەيتساريالىق ءمۇسىنشى كريستيان بەي دايىنداعان. شەبەر پۋتيننىڭ جۇمىس ۇستەلىندە شوستاكوۆيچتىڭ «دجاز سيۋيتا» ءۆالسىنىڭ ءانىن تىڭداپ وتىرىپ، قىرىم رەسپۋبليكاسىن رەسەي فەدەراتسياسىنا بىرىكتىرۋ تۋرالى شارتقا قول قويىپ وتىرعانىن بەينەلەگەن.
رەسەي باسشىسىنىڭ مەحانيكالىق ءمۇسىنى ءباسساۋداعا شىعارىلاتىنى تۋرالى قازان ايىندا جاريالانعان. ول ۋاقىتتا Moscow Times باسىلىمى پرەزيدەنتتىڭ ءمۇسىنى بىرنەشە ميلليون دوللارعا ساتىلاتىنىن جازعان ەدى. الايدا، بولجام ورىندالمادى.
كريستيان باي قىمبات ويىنشىقتار شىعارۋمەن اينالىسادى. ماسەلەن، بۇدان بۇرىنعى مۇسىندەرىنىڭ ءبىرى - فلەيتادا ويناپ تۇرعان مەحانيكالىق بوزبالانى جاساۋعا 15 مىڭ ساعاتىن سارپ ەتكەن. دەگەنمەن، توككەن تەر زايا كەتپەگەن، ءمۇسىنشى بۇل تۋىندىسىن 6 ميلليوننان استام دوللارعا ساتقان.