وڭتۇستىك قازاقستاندا 350 جۇكتى جاس ءوسپىرىم قىز ەسەپتە تۇر
مۇنداي ساندى و ك ق- دا وتكەن بريفينگ بارىسىندا ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيا مۇشەسى بەكسۇلتان تۇتقىشەۆ اتادى، - دەپ حابارلايدى Tengrinews.kz ءتىلشىسى.
«دەنساۋلىق ساقتاۋ باسقارماسىنىڭ مالىمەتىنە سايكەس، جاسى 12 گە ەندى تولعان، ءبىراق 17 گە تولماعان 350 دەن اسا جۇكتى قىزدىڭ ەسەپتە تۇرعانى انىقتالدى. دارىگەرلەردىڭ ايتۋىنشا، ونىڭ سوڭى جاعىمسىز ارەكەتتەرگە اكەپ سوعادى جانە ول قىزدار مەن جاڭا تۋىلعان سابيلەردىڭ دەنساۋلىعىنا اسەر ەتەدى»، - دەپ كەلتىردى اكىمدىكتىڭ ۆەدومستۆوارالىق كوميسسياسى ۇسىنعان مالىمەتتى تۇتقىشەۆ. ول بۇل جاعدايدىڭ وڭتۇستىك قازاقستانعا بايلانىستى ەكەنىن ايتا كەتتى.
«ولاردىڭ اتا- اناسى، باۋىرلارى بار، مۇنداي جاعداي قايدان تۋىندايدى؟ بۇل جۇمىس مەملەكەتتىكى ەمەس، اتا- انانىكى. مەملەكەت بالانى ومىرگە كەلگەن كۇننەن باستاپ تاربيەلەي المايدى. تاربيە ماسەلەسىنە كوڭىل ءبولۋ اسا ماڭىزدى»، - دەدى تۇتقىشەۆ.
ايتا كەتەيىك، بۇعان دەيىن جىنىستىق جانە رەپرودۋكتيۆتىك ساۋلىق جونىندەگى قازاقستاندىق قاۋىمداستىقتىڭ باسشىسى گالينا گرەبەننيكوۆا جاسوسپىرىمدەر اراسىنداعى جۇكتىلىك دەڭگەيىنىڭ جوعارى قالىپتا ساقتالىپ وتىرعانىن ايتقان بولاتىن - قازاقستانداعى جۇكتىلىكتىڭ جالپى سانىنىڭ 3 پايىزىنا تەڭ.