استانا قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ حابارلاۋىنشا، مۇمكىندىگى شەكتەۋلى جانداردى جۇمىسپەن قامتۋ جانە الەۋمەتتىك بەيىمدەۋ اياسىندا «2015 -جىلى استانا قالاسىنىڭ تۇرعىندارىن جۇمىسپەن قامتۋ جونىندەگى كەشەندى جوسپار» بەكىتىلگەن.
سونداي- اق «جۇمىسپەن قامتۋ جول كارتاسى-2020» مەملەكەتتىك باعدارلاماسى بويىنشا دا جۇمىستار جۇرگىزىلىپ جاتىر. ءسويتىپ، الداعى ۋاقىتتا مۇمكىندىگى شەكتەۋلى 350 تۇلعا جۇمىسپەن قامتىلماق.
100 ادامدى كاسىبي دايىندىق پەن قايتا دايارلاۋ كۋرستارىنان وتكىزۋ جوسپارلانعان. ولار تىگىنشى، شاشتاراز، ساعات جوندەۋشى، فلوريست، جانارماي قۇيۋ بەكەتتەرىنىڭ وپەراتورى سەكىلدى ماماندىقتار بويىنشا ءبىلىم الادى.
باسقارامانىڭ حابارلاۋىنشا، «جۇمىسپەن قامتۋ تۋرالى» ق ر زاڭىنا سايكەس، جۇمىس ورىندارىنا دەگەن كۆوتا جۇيەسى بويىنشا استانا قالاسىندا 120 مۇمكىندىگى شەكتەۋلى تۇلعانى جۇمىسپەن قامتىپ، 95 ادامدى ۋاقىتشا جۇمىسقا ورنالاستىرۋ كوزدەلگەن. بۇل - اقىلى قوعامدىق جۇمىستار، ارنايى جۇمىس ورىندارى جانە مەكتەپ تۇلەكتەرىنە ارنالعان جاستار تاجىريبەسى.
استانا قالاسىنىڭ جۇمىسپەن قامتۋ ورتالىعىندا 2015 -جىلدىڭ 2 ايىنىڭ كورسەتكىشتەرىنە سۇيەنسەك، مۇمكىندىگى شەكتەۋلى 75 ادام جۇمىس سۇراپ ءوتىنىش قالدىرعان، ولاردىڭ 47 قازىرگى ۋاقىتتا اقىلى جۇمىستا ەڭبەك ەتىپ ءجۇر، تۇراقتى جۇمىسقا 15 مۇگەدەك ورنالاستىرىلدى.
بۇگىنگى تاڭدا «جۇمىسپەن قامتۋ جول كارتاسى-2020» مەملەكەتتىك باعدارلاماسى بويىنشا 10 الەۋمەتتىك جوبانى جۇزەگە اسىرىلۋدا، بۇل مەكتەپتەردى، ەمحانالاردى، الەۋمەتتىك نىسانداردى جوندەۋ سەكىلدى جوبالار. جالپى، 144 ۋاقىتشا جۇمىس ورىنىن قۇرىلماق، ولاردىڭ 22 سى مۇمكىندىگى شەكتەۋلى جاندارعا ارنالادى.
مەملەكەتتىك باعدارلاما نەگىزىندە بيىل مەكتەپ ءتامامداعان 500 تۇلەك ارنايى جاستار تاجىريبەسىنەن وتپەك. 2015 -جىلى استانا قالاسىنىڭ اكىمدىگى جاستار تاجىريبەسىنە اقشا تولەۋگە قولداۋ كورسەتەدى. سونداي-اق بيىل 150 الەۋمەتتىك جۇمىس ورنىن قۇرۋ جوسپارلانعان.
ۇستىمىزدەگى جىلى استانا قالاسىندا «ورلەۋ» پيلوتتىق جوباسىن جۇزەگە اسىرۋ كوزدەلىپ وتىر، سونىڭ ناتيجەسىندە از قامتىلعان تۇرعىندارعا قارجىلاي كومەك كورسەتىلىپ، جۇمىسقا شاقىرتىلاتىن بولادى جانە ولارمەن الەۋمەتتىك كەلىسىمشارت جاسالادى.