بۇل تۋرالى اقپارات جانە قوعامدىق دامۋ ءمينيسترى دارحان قىدىرالى تۇركىستان وبلىسىنىڭ تۇرعىندارىمەن كەزدەسۋىندە مالىمدەدى، دەپ حابارلايدى قازاقپارات ءتىلشىسى.
ەگەر زاڭ جوباسىن ءماجىلىس پەن سەنات ماقۇلداسا، جاستاردىڭ جاسى 29 دان 35 جاسقا دەيىن سوزىلادى.
«قازىر ەلىمىزدە 2,5 ميلليونعا جۋىق جاس بار. ەگەر زاڭ قابىلدانسا، ولاردىڭ قاتارى 6 ميلليونعا دەيىن وسەتىن بولادى. بۇل جەردە كوپتەگەن ادام مەملەكەت تاراپىنان جاستارعا بەرىلەتىن مۇمكىندىككە يە بولادى» - دەدى دارحان قۋاندىق ۇلى.
سونداي-اق، مينيستر ايماقتاعى جۇمىسسىز جاستاردى جۇمىسپەن قامتۋعا باسىمدىق بەرىلەتىنىن جەتكىزدى.
اقپاراتتىق سالادا، قوعامدىق دامۋ جۇيەسىندە جانە ۇكىمەتتىك ەمەس ۇيىمدارمەن جۇرگىزىلەتىن جۇمىستار بويىنشا جۇزەگە اسىپ جاتقان جۇمىستار جونىندە مالىمەت بەردى.
تۇرعىندار تاراپىنان قويىلعان سۇراقتارعا جاۋاپ بەرىپ، ۇسىنىستارىن تىڭدادى.
ايتا كەتەيىك، بۇگىن اقپارات جانە قوعامدىق دامۋ ءمينيسترى دارحان قىدىرالى تۇركىستان وبلىسىنداعى ب ا ق باسشىلارىمەن كەزدەسۋىندە جۋرناليستەرگە ارنايى مارتەبە بەرىلەتىنىن ايتقان بولاتىن.