ازاپتاۋ فاكتىسى بويىنشا 35 پوليتسەيدىڭ ءىسى سوتقا جولداندى، 17 ءسى سوتتالدى - باس پروكۋراتۋرا
وتىرىس بارىسىندا قاداعالاۋ ورگانىنىڭ باسشىسى پروكۋرورلاردىڭ نەگىزگى كۇش-جىگەرى ازاماتتاردىڭ كونستيتۋتسيالىق قۇقىقتارىن قورعاۋ، قىلمىسقا، اسىرەسە ونىڭ ۇيىمداسقان نىساندارىنا قارسى كۇرەس، قىلمىستىق پروتسەستى جاڭعىرتۋ، ازاپتاۋدىڭ الدىن الۋ، بيزنەستى قورعاۋ جونىندەگى مىندەتتەردى ورىنداۋعا باعىتتالعانىن اتاپ ءوتتى.
وتكەن كەزەڭدە ەل بويىنشا قىلمىس دەڭگەيى (74650 دەن 61442 گە دەيىن) تومەندەگەنى ايتىلدى.
پروكۋراتۋرانىڭ ۇيلەستىرۋىمەن ايماقتارداعى قىلمىستىق جاعدايعا ناقتى اسەر ەتكەن 10 ۇيىمداسقان قىلمىستىق توپتىڭ جولى كەسىلدى.
سونىمەن قاتار، بىرلەسكەن شارالار ناتيجەسىندە سينتەتيكالىق ەسىرتكى وندىرەتىن 30 زەرتحانا جويىلدى.
ب. اسىلوۆ وتباسىلىق-تۇرمىستىق زورلىق-زومبىلىقتىڭ، بالالارعا قارسى جىنىستىق قىلمىستاردىڭ، الاياقتىق پەن ەسىرتكى ساۋداسىنىڭ الدىن الۋ بويىنشا جۇمىستاردى كۇشەيتۋ قاجەتتىلىگىن اتاپ ءوتتى.
قىلمىستىق پروتسەستىڭ زاڭدىلىعىن قاداعالاۋدى جۇزەگە اسىرۋ بارىسىندا پروكۋرورلار 512 ادامدى نەگىزسىز كۇدىكتەن قورعادى.
ءۇش بۋىندى مودەل شەڭبەرىندە پروكۋرورلار تەرگەۋ ورگاندارىنىڭ 150 مىڭنان استام پروتسەستىك شەشىمدەرىن زەردەلەپ، ونىڭ ىشىندە 4,5 مىڭ قاۋلىنى كەلىسۋدەن باس تارتىلدى.
سوتتا 11 مىڭ قىلمىستىق ءىس بويىنشا مەملەكەتتىك ايىپتاۋ قامتاماسىز ەتىلدى.
پروكۋرورلاردىڭ باستاماسى بويىنشا 197 ادامعا قاتىستى ۇكىمدەر زاڭعا سايكەس تەكسەرىلدى، بۇل رەتتە 156 سوتتالۋشىنىڭ جاعدايى تۇزەتىلدى، ونىڭ ىشىندە 8 ادام اقتالدى.
ءوز كەزەگىندە پروكۋرورلار 20 ادامعا قاتىستى قىلمىستىق جاۋاپتىلىقتان بوساتۋعا جول بەرمەدى جانە زاڭسىز اقتاۋ ۇكىمدەرىنىڭ كۇشىن جويۋعا قول جەتكىزدى.
باس پروكۋرور باسىم مىندەتتەردىڭ قاتارىندا ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس-قيمىلدى بەلگىلەدى.
جاقىندا پارلامەنت قابىلداعان ءتيىستى زاڭ جوبالارىنىڭ توپتاماسىن ىسكە اسىرۋ شەڭبەرىندە اكتيۆتەردى قايتارۋ جونىندەگى جۇمىستى ءتيىستى ۇيىمداستىرۋدى قامتاماسىز ەتۋ نۇسقالدى.
اتاپ ايتقاندا، ەنگىزىلگەن وزگەرىستەرمەن باس پروكۋراتۋرا جانىنان ەلدەن زاڭسىز شىعارىلعان مۇلىكتىك جانە وزگە دە يگىلىكتەردى قايتارۋ جونىندە جەكە بەيىندى ۆەدومستۆو قۇرۋ كوزدەلگەن.
بۇل ورگانعا باسقا مەملەكەتتەردىڭ سوتتارىندا، حالىقارالىق اربيتراجداردا قازاقستاننىڭ مۇددەلەرىن ءبىلدىرۋ، تالاپ-ارىز بەرۋ، شوتتارعا، مۇلىككە تىيىم سالۋ تۋرالى ءوتىنىشحاتتار ەنگىزۋ جانە وزگە دە ارەكەتتەردى جۇزەگە اسىرۋ وكىلەتتىكتەرى بەرىلەدى.
سونداي-اق ازاپتاۋدىڭ الدىن الۋ ماسەلەلەرى قارالدى.
ولاردىڭ الدىن الۋ ماقساتىندا زاڭنامالىق جانە پراكتيكالىق شارالار قابىلداندى. قۇقىق قورعاۋ ورگاندارىمەن بىرلەسىپ ازاماتتاردى جەتكىزۋ قاعيدالارى بەكىتىلدى، ادامدى ۇستاعان ساتتەن باستاپ مىندەتتى بەينەتىركەۋ قاراستىرىلدى.
كولونيالاردا، تەرگەۋ يزولياتورلارىندا جانە تەرگەۋ ورگاندارىنىڭ قىزمەتتىك ءۇي-جايىندا بەينەباقىلاۋ قامتاماسىز ەتىلەدى.
ستامبۋل حاتتاماسىنىڭ ستاندارتتارى بويىنشا ازاپتاۋ تۋرالى ىستەردى تەرگەۋ ادىستەمەسى ازىرلەندى.
باس پروكۋرور ازاپتاۋمەن جانە باسقا دا قاتىگەزدىكپەن كۇرەسۋگە باسا نازار اۋدارا وتىرىپ، الدىن الۋدان باستاپ جازانىڭ بۇلتارتپاستىعىن قامتاماسىز ەتۋگە دەيىنگى كەشەندى ءتاسىلدىڭ قاجەتتىلىگىن اتاپ ءوتتى.
جالپى، ازاپتاۋ فاكتىلەرى بويىنشا كۇشتىك ورگانداردىڭ 35 قىزمەتكەرىنە قاتىستى ءىس سوتقا جىبەرىلدى.
17 ادام سوتتالدى.
الەۋمەتتىك-ەكونوميكالىق سالادا بيۋجەت قاراجاتىن جۇمساۋدىڭ زاڭدىلىعى، اۆتوجولداردىڭ جاي-كۇيى، جەو جۇمىسى، جەردى نىسانالى پايدالانۋ، قالا قۇرىلىسى، ازاماتتاردىڭ وسال ساناتتارىن، ونىڭ ىشىندە بالالاردى، مۇگەدەكتىگى بار ادامداردى قورعاۋ جانە ت. ب. ماسەلەلەر بويىنشا ءبىرقاتار تەكسەرۋلەر جۇرگىزىلدى.
قاداعالاۋ جانە دەن قويۋ اكتىلەرى بويىنشا مەملەكەتكە 10 ميلليارد تەڭگە وتەلدى، 37 ميلليارد تەڭگە سوماسىنا مۇلىك، 400 مىڭ گەكتار جەر قايتارىلدى.
ءتۇرلى جاۋاپكەرشىلىككە 11 مىڭ ادام، ونىڭ ىشىندە اكىمدىكتەر مەن مەملەكەتتىك ورگانداردىڭ قىزمەتكەرلەرى تارتىلدى.
سوتقا دەيىنگى 116 تەرگەپ-تەكسەرۋ باستالدى، 65 ادام سوتتالدى.
1,3 ميلليارد تەڭگەدەن استام سوماعا جالاقى بەرەشەگى ءوندىرىلدى («تازا تالاس» م ك ك، «تاراز قۇرىلىس ينۆەست» ج ش س، «كەمونت» ا ق، «قازسترويترەيد» ج ش س جانە ت. ب.).
پروكۋرورلاردىڭ قاتىسۋىمەن ءبىرقاتار ەڭبەك داۋلارى شەشىمىن تاپتى.
ونىڭ ىشىندە ماڭعىستاۋ وبلىسىنىڭ «بەرالي» ج ش س- گى ۇجىمىن جۇمىس ورىندارىمەن قامتاماسىز ەتۋ ماسەلەسى دە بار.
سونداي-اق، 23 مىڭ كامەلەتكە تولماعاننىڭ كونستيتۋتسيالىق قۇقىعى قورعالدى.
الماتى جانە تۇركىستان وبلىستارىندا 18 ميلليون تەڭگە سوماسىنا مۇگەدەكتىگى بار ادامدارعا سالىقتار مەن مەملەكەتتىك باجداردى نەگىزسىز سالۋدىڭ 4 مىڭنان استام فاكتىسى انىقتالدى.
تۇرعىن ۇيگە كەزەككە جەتىم جانە اتا-اناسىنىڭ قامقورلىعىنسىز قالعان 22 بالا قويىلدى.
ءوز كەزەگىندە باس پروكۋرور حالىقتى تولعاندىراتىن ماسەلەلەردى شەشۋدە الدىن الۋ شارالارىن قابىلداۋدىڭ ماڭىزدىلىعىن اتاپ ءوتتى.
ولاردىڭ قاتارىندا ەڭبەك جانجالدارى، تىعىز سالىنعان قۇرىلىس، جەردى ۇتىمدى پايدالانۋ، جايىلىم تاپشىلىعى، سۋمەن جابدىقتاۋ، كوممۋنالدىق ماسەلەلەر جانە ت. ب. بار.
سونىمەن قاتار، قاداعالاۋ قىزمەتىنىڭ تيىمدىلىگىن ارتتىرۋ ءۇشىن پروكۋرورلار جوبالىق باسقارۋ قۇرالدارىن قولدانۋعا باعدارلانعان.
بيزنەستى قورعاۋ بويىنشا جۇمىس بارىسىندا موبيلدى توپتارمەن كاسىپكەرلەردىڭ قۇقىقتارىن بۇزۋ تۋرالى 1300 دەن استام سيگنال وڭدەلدى، ءاربىر بەسىنشى فاكت راستالدى.
باس پروكۋراتۋرانىڭ باستاماسى بويىنشا 5 مينيسترلىكتىڭ 9 بۇيرىعى جويىلدى، ولار 2 مىڭعا جۋىق كاسىپكەردى زاڭسىز تەكسەرۋدى كوزدەگەن.
5,3 مىڭ تىيىم سالۋ جانە شەكتەۋ شارالارى، 560 ميلليون تەڭگەدەن استام سوماعا 2,3 مىڭ اكىمشىلىك ايىپپۇل جويىلدى.
باس پروكۋرور ادال كاسىپكەرلەردىڭ قۇقىقتارىن قورعاۋدى جالعاستىرۋدى تاپسىردى.
سونداي-اق، ول مەملەكەت باسشىسىنىڭ ينۆەستيتسيالىق جوبالاردى سۇيەمەلدەۋ جونىندەگى تاپسىرماسىن ساپالى ىسكە اسىرۋدى قامتاماسىز ەتۋدى تالاپ ەتتى.
وتىرىس قورىتىندىسى بويىنشا بارلىق وبلىستاردىڭ پروكۋرورلارىنا ەلدەگى زاڭدىلىقتى نىعايتۋ، ازاماتتاردىڭ كونستيتۋتسيالىق قۇقىقتارىن، قوعام مەن مەملەكەتتىڭ مۇددەلەرىن قورعاۋ جونىندە جان-جاقتى شارالار قابىلداۋ تاپسىرىلدى.