الماتىدا 34 ادامنىڭ بۇيرەگى الماستىرىلدى
بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە مەديتسينالىق ساقتاندىرۋ قورىنىڭ الماتى قالالىق فيليالى ديرەكتورى تىلەۋحان ابىلدايەۆ ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا، شىعىننىڭ باسىم بولىگى، ياعني 44,1 ميلليارد تەڭگە ستاتسيونارلىق مەديتسينالىق كومەككە، 3,2 ميلليارد تەڭگە كۇندىزگى ستاتسيونارلار كورسەتكەن قىزمەتتەرگە تولەندى. «مەديتسينالىق كومەككە جۇگىنگەن ازاماتتار تاراپىنان ەمدەۋ مەن دياگنوستيكانىڭ باعاسى قىمبات تۇرلەرى، سالالىق مامانداردىڭ كونسۋلتاتسيالارى، سونداي- اق زەرتحانا تالداۋلارىنا دەگەن سۇرانىس جوعارى بولعان. جارتى جىلدا اتالعان قىزمەتتەرگە 14,6 ميلليارد تەڭگە جۇمسالدى»، - دەدى فيليال باسشىسى.
فيليال باسشىسىنىڭ سوزىنە قاراعاندا، سونىڭ ىشىندە كومپيۋتەرلىك توموگرافيا مەن ماگنيتتى- رەزونانستىق توموگرافياعا (ك ت/م ر ت) دەگەن سۇرانىس بۇرىنعىشا جوعارى كۇيىندە قالىپ وتىر. التى ايدا الماتى قالاسىندا جالپى سوماسى 890,5 ميلليون تەڭگەگە 46 مىڭنان استام كومپيۋتەرلىك توموگرافيا جاسالعان.
قور 33 مىڭنان استام م ر ت قىزمەتىنە 542 ميلليون تەڭگە ءبولدى. سونىمەن قاتار ونكولوگيالىق ناۋقاستاردى نىسانالى تۇردە تەكسەرۋگە ارنالعان 6,4 مىڭ پوزيتروندى- ەميسسيوندىق توموگرافيا جاسالعان. وعان 2,2 ميلليارد تەڭگەدەن استام قارجى تولەنگەن.
«مىندەتتى الەۋمەتتىك مەديتسينالىق ساقتاندىرۋ ەسەبىنەن كۇن سايىن قۇنى بىرنەشە ميلليونعا جەتىپ جىعىلاتىن جوعارى تەحنولوگيالى وپەراتسيالار جاسالىپ جاتىر. وسى جىلدىڭ 6 ايىندا الماتى قالاسىندا وسىنداي وتالارعا 11,7 ميلليارد تەڭگە جۇمسالدى. جارتى جىلدا الماتىلىق ستاتسيونارلار ميداعى قان- تامىرلارى مەن قان- تامىر جۇيەلەرىنە 2226 وتا جاساعان.
وپەراتسيالاردىڭ جالپى قۇنى 2,7 ميلليارد تەڭگەدەن استى. سونىمەن قاتار ساقتاندىرۋدىڭ ارقاسىندا ترانسپلانتولوگيالىق وپەراتسيالار دا كەدەرگىسىز جاسالىپ جاتىر. جارتى جىلدا 34 بۇيرەك الماستىرىلدى، ونىڭ جالپى قۇنى - 170 ميلليون تەڭگە»، - دەدى تىلەۋحان ابىلدايەۆ.