ورالدا جول اپاتىنان 34 جاستاعى موتوسيكلشى كوز جۇمدى – ۆيدەو

ورال. قازاقپارات - ورال قالاسىندا «لادا كالينا» مەن موتوسيكل سوقتىعىستى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا 16-ماۋسىمعا قاراعان ءتۇنى ساعات 23.50-دە سامارا- شىمكەنت اۆتوجولىندا تەرەكتى اۋدانى پودستەپنىي اۋىلى باعىتىندا بولدى.

«پوليتسيا بەكەتىنە جەتپەي بولعان جول اپاتىنان موتوسيكلدىڭ 1988 -جىلعى جۇرگىزۋشىسى وقيعا ورنىندا كوز جۇمدى. جەڭىل كولىكتىڭ 1977 -جىلعى جۇرگىزۋشىسى ءتۇرلى دەنە جاراقاتتارىمەن جانە سۇيەك سىنىقتارىمەن اۋرۋحاناعا جەتكىزىلدى. قازىرگى كەزدە اتالعان دەرەك بويىنشا ق ر ق ك 345-بابى 3-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە»، دەپ حابارلادى ۆەدومستۆودان.

كولىكتەردىڭ قانداي جىلدامدىقپەن جۇرگەنى، باسقا دا ءمان-جاي تەرگەۋ بارىسىندا انىقتالادى. ب ق و دەنساۋلىق ساقتاۋ باسقارماسى باسپا ءسوز قىزمەتىنىڭ ناقتىلاۋىنشا، وبلىستىق كوپبەيىندى اۋرۋحاناعا جەتكىزىلگەن 1977 -جىلعى ەر ادامنىڭ الدىن الا دياگنوز بويىنشا ومىرتقاسى سىنعان.

ەسكە سالا كەتەيىك، بۇدان بۇرىن ورالدا اۆتوبۋس پەن جەڭىل كولىك سوقتىعىسىپ، 18 جاستاعى جۇرگىزۋشىنىڭ قازا تاپقانىن جازعان بولاتىنبىز. سونداي-اق ورالدا جانساقتاۋ بولىمىنە تۇسكەن ەر ادامنىڭ جاعدايى اۋىر، وتا جاسالدى. بۇل ەر ادام وتادان كەيىن قايتىس بولدى. وسى وقيعا بويىنشا ق ر ق ك 345-بابى 3-بولىگىنە سايكەس سوتقا دەيىنگى تەرگەۋ امالدارى جالعاسىپ جاتىر.