ميراس سەيلحان - ءوزى وقيتىن مەكتەپتىڭ پرەزيدەنتى، Z ۇرپاعىنا ارنالعان BIL PRESS رەداكسياسىنىڭ نەگىزىن قالاۋشى، وعان قوسا BIL VOLUNTEERS ەرىكتىلەر كلۋبىن اشقان.
ول شەتەل وقۋ ورىندارىنا تۇسۋگە دايىندىقتى 9-سىنىپ سوڭىندا باستاعان. بۇل ءۇشىن IELTS، Duolingo سياقتى تەستتەردى تاپسىرىپ، جوعارى كورسەتكىشكە يە بولدى. مىسالى، Duolingo-دان 135، IELTS- تان 8.0 جينادى. سونداي- اق، 650 سوزدەن تۇراتىن موتيۆاتسيالىق ەسسە جازعان.
«سول ۋاقىتتان باستاپ وسى 11-سىنىپ سوڭىنا دەيىن تەك ۋنيۆەرسيتەتكە ءتۇسۋ ءۇشىن ۋاقىت جۇمسادىم»، - دەيدى ول.
وسىلايشا، ميراس شاقىرۋ العان وقۋ ورىندارىنىڭ 12 ءسى ا ق ش- تا، بەسەۋى ۇلى بريتانيادا، بەسەۋى كانادادا، بىرەۋى يسپانيادا، تورتەۋى اۋستراليادا جانە تاعى باسقالارى.
ازىرشە ول Colgate University, London School of Economics نەمەسە Ithaca College وقۋ ورىندارىن تاڭداپ وتىر. ونىڭ بولاشاق ماماندىعى - قارجى جانە ەكونوميكا سالاسىمەن بايلانىستى.
ميراس سەيلحان ۋنيۆەرسيتەتتەردەن شاقىرتۋ الۋىنا كىمدەر ۇلەس قوسقانىن ايتتى.
«ءار قادامىمدى باقىلاپ وتىرعان مۇعالىمدەرىم، مەكتەپتى ءبىتىرىپ كەتكەن اعالار كومەك بەردى»، - دەيدى وقۋشى.
ميراس سەيلحاننىڭ ارمانى - قازاقستاندى جاڭا دەڭگەيگە كوتەرۋ.
«ارمانىم وتىرىك بولىپ كورىنۋى مۇمكىن. پىكىرلەردە كوبى مەنى شەتەلدە قالىپ قويادى دەپ جازىپ جاتىر، الايدا بۇل مەن ويلاعان نارسە ەمەس»، - دەدى ول.
Tengrinews.kz