بۇل تۋرالى ق ر ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ايتتى، دەپ حابارلايدى قازاقپارات ءتىلشىسى.
«ۇلتتىق ءبىرىڭعاي تەست تاپسىرۋعا 103886 ءوتىنىم قابىلداندى. ونىڭ ىشىندە 95 پايىزى وسى جىلعى 11 جانە 12-سىنىپ وقۋشىلارى، ال 4765 ى جوعارى وقۋ ورنىنا اكادەميالىق كەزەڭگە شارتتى تۇردە قابىلدانعان 1-كۋرس ستۋدەنتتەرى، 413 ى پەداگوگيكالىق عىلىمدار سالاسىنا اۋىساتىن ستۋدەنتتەر جانە 327 سى شىعارماشىلىقتان باسقا ءبىلىم بەرۋ توپتارىنا اۋىساتىن ستۋدەنتتەر بولدى»، - دەدى ول ءبىلىم مينيسترلىگىنىڭ اپپارات جينالىسىندا.
ونىڭ دەرەگىنشە، وسى ۋاقىتقا دەيىن 29 مىڭ تالاپكەر تەست تاپسىرىپ ۇلگەردى. ولاردىڭ ىشىندە قازاق تىلىندە 78 پايىزى، 21 پايىزى ورىس تىلىندە تاپسىردى. مۇنان بولەك 43 بالا ۇ ب ت- نى اعىلشىن تىلىندە تاپسىرۋعا ءوتىنىش ءبىلدىرىپ، ونىڭ 38 ى تەستىلەۋگە قاتىستى.
«50 بالل جيناي الماعان تالاپكەرلەردىڭ سانى 10 مىڭ ادامدى قۇرايدى. ياعني 34 پايىزى بەلگىلەنگەن شەكتە مەجەدەن اسا المادى. 65 پايىزى شەكتى مەجەدەن استى. 5 ءپان بويىنشا ورتاشا بالل - 65,14. ەڭ جوعار بالل - 134»، - دەدى رۋسلان ەمەلبايەۆ.
اۆتور: مارلان جيەمباي